ونىڭ العاشقىسى - «Smart Adam Agro» جشس. بۇل سەرىكتەستىك جالپى اۋدانى 900 گەكتار اۋماقتى يگەرمەك نيەتتە. قازىر ەگىستىكتە جوڭىشقا, قىزاناق ەگىلگەن. كومپانيا 7 دانا اۋىل شارۋاشىلىعى تەحنيكاسىن ساتىپ العان. جاڭبىرلاتىپ سۋارۋ جۇيەسىن دە قولدانىسقا ەنگىزگەن. جالعىز ماسەلە – ەلەكتر ەنەرگياسىن پايدالانۋ ءۇشىن قۇجاتتاردى راسىمدەۋ. بۇل جونىندە اكىم جەلىلەردىڭ قاي مەكەمەگە تيەسىلى ەكەنىن انىقتاپ, قولداۋ كورسەتۋدى تاپسىردى.
ودان كەيىن شاھار باسشىسى ءتۇرلى جەمىس-جيدەك وسىرۋمەن اينالىساتىن «بولاشاق» شارۋا قوجالىعىنا باردى. قوجالىق اۋماعى 20 گا جەرگە تامشىلاتىپ سۋارۋ جۇيەسىن جۇرگىزگەن. اتاپ ايتقاندا, 10 گا جەرگە قاراقات, 6 گا باقشا داقىلدارى, 4 گا جەرگە كوكونىستەر ەگىلدى. 2026-2027 جىلدارى قاراقاتتىڭ ەگۋ الاڭىن 30 گەكتارعا ۇلعايتۋ جوسپارلانۋدا. الداعى ۋاقىتتا قاراقاتتى وڭدەپ, دجەم مەن توساپ وندىرۋگە ارنالعان شاعىن تسەحتى ىسكە قوسۋ كوزدەلۋدە. سونىمەن قاتار شارۋا قوجالىق باسشىلىعى اگروتۋريزمدى دامىتۋدى جوسپارلاۋدى قولعا الماق نيەتتە.
«شارۋالاردى مەملەكەتتىك قولداۋدىڭ بارلىق تەتىكتەرىن پايدالانعان دۇرىس. قوجالىققا قوسىمشا جەر تەلىمىن بەرۋدى قاراستىرۋ قاجەت. جاقىنارادا اۋكتسيون جاريالانسا, حابار بەرىپ, بايلانىستى ۇزبەۋ كەرەك. اۋىل دامىسا, ەلىمىزدىڭ دە دامىعانى», - دەدى اسحات بەردىحانوۆ.
ال «ماريام» شارۋا قوجالىعى بولسا, اۋماعى 230 گا جەرگە تامشىلاتىپ سۋارۋ جۇيەسىن ەنگىزدى. ەگىستىكتە باقشا داقىلدارى, جۇگەرى, جۋا ەگىلگەن. سۋ ۇنەمدەۋ تەحنولوگياسىن ەنگىزۋ ماقساتىندا سوماسى 70 ملن.تەڭگەگە سىيىمدىلىعى 7000 تەكشە مەترلىك سۋ جيناۋ باسسەينى مەن سورعىلار ورناتىلعان. الداعى جىلدارى ەگىلەتىن كوكونىس اۋماعىن 100,0 گا ۇلعايتۋ جوسپارلانۋدا. كومپانيا باسشىلىعى «كەڭ دالا» باعدارلاماسى اياسىندا سوماسى 40 ملن.تەڭگەگە قۇجاتتار تاپسىردى.
بيىل شەڭگەلدىدە اۋىل شارۋاشىلىعى داقىلدارىنىڭ ەگىس كولەمى 8 150,6 گەكتاردى قۇراعان.
الماتى وبلىسى.
