ساياحاتقا قىزىعۋشىلىق پەن رۋحاني ىزدەنىسى جەتەلەگەن ارداگەردىڭ باستى ماقساتى – ءار ەلدىڭ تاريحىمەن, مادەنيەتىمەن تانىسىپ, جەرگىلىكتى حالىقپەن تىلدەسۋ بولعان. تۇركىستاندا ول قوجا احمەت ياساۋي كەسەنەسىن جانە باسقا دا تاريحي-مادەني نىسانداردى تاماشاپ, تاريحىمەن تانىستى. ساياحاتشى موتوتسيكلىمەن ەۋروپانىڭ بىرنەشە ەلىن, سونداي-اق تۇركيا, گرۋزيا جانە ازەربايجان ەلدەرىن ارالاپ, كاسپي تەڭىزى ارقىلى قازاقستانعا جەتكەن. اقتاۋ, اقتوبە جانە ارال قالالارىندا بولعان.
«Open Turkistan» تۋريستىك اقپاراتتىق ورتالىعى شەتەلدىك ساياحاتشىعا قۇرمەت كورسەتىپ, ۇلتتىق تاعامداردان ءدام تاتقىزدى, كيەلى قالا تىنىسىمەن تانىستىردى.
