فوتولار: ۇكىمەت, تەلەگرام
2025 جىلدىڭ ءبىرىنشى توقسانىندا اۋقىمدى زەرتتەۋلەر: اەروتۇسىرىلىمدەردى دەشيفرلەۋ, مارشرۋتتىق ءتۇسىرىلىم, بۇرعىلاۋ, سۋ جانە رادياتسيا سىنامالارىن تالداۋ, گەوحيميالىق جانە كامەرالدىق زەرتتەۋلەر جۇرگىزىلگەن.
ناتيجەسىندە پايدالى قازبالارىنىڭ الەۋەتى جوعارى 38 ۋچاسكە انىقتالعان. بولجامدى رەسۋرستار قاتارىندا:
2,6 ملن توننا سيرەك جەر مەتالدارى,
1,1 ملرد توننا قوڭىر كومىر,
3,7 ملن توننا مىس جانە نيكەل,
19 توننا التىن بار.
2024-2026 جىلدارىنداعى گەولوگيالىق بارلاۋ جۇمىستارىنا 22,83 ملرد تەڭگە ءبولىنىپ, ونىڭ ىشىندە 2025 جىلى 7,636 ملرد تەڭگە يگەرىلەدى. 1:200 000 ماسشتابتاعى: 14 تەرەڭ گەوكارتالاۋ, 9 مينەراگەندىك جانە 19 گيدروگەولوگيالىق جەتە زەرتتەۋ وبەكتىلەرى بويىنشا وڭىرلىك جوبالار جالعاسىپ جاتىر.
جەكە ينۆەستيتسيالار ماڭىزدى ءرول اتقارادى. 2018 جىلدان 2024 جىلعا دەيىن گەولوگيالىق بارلاۋعا 424 ملرد تەڭگە سالىنعان. ال 2025 جىلى 106 ملرد تەڭگەگە دەيىن وسەدى دەپ كۇتىلىپ وتىر. جۇمىس كولەمى بويىنشا مىندەتتەمەلەرسىز, بىراق مىندەتتى ەسەپتىلىكپەن جەر قويناۋىن زەرتتەۋگە ارنالعان جەڭىلدەتىلگەن ليتسەنزيا نارىقتى ينۆەستورلار ءۇشىن قولجەتىمدى ەتەدى.
