فوتو: اشىق دەرەككوز
تەرگەۋ بارىسىندا كۇدىكتىنىڭ جالپى سوماسى 1 ملن تەڭگەدەن استام شىعىن كەلتىرگەنى انىقتالعان. ول اتا-انالاردى 2GIS ءموبيلدى قوسىمشاسىنداعى «پىكىرلەر» بولىمىنەن تاۋىپ, ولارمەن بايلانىسقا شىعىپ, ءوزىن بالاباقشاعا ورنالاستىرۋ ىسىندە كومەكتەسە الاتىن «دەلدال» رەتىندە تانىستىرعان.
«كۇدىكتى Indigo24.kz جۇيەسى ارقىلى زاڭسىز تۇردە بالاباقشا كەزەگىن جىلجىتىپ بەرەمىن دەپ ۋادە بەرگەن. قاراجاتتى العاننان كەيىن ول ءىزىن سۋىتىپ وتىرعان», دەلىنگەن حابارلامادا.
پروكۋراتۋرا مالىمەتىنشە, مەملەكەتتىك ايىپتاۋشى ونىڭ كىناسىن تولىق دالەلدەگەن.
سوت شەشىمىمەن كۇدىكتىگە 4 جىل مەرزىمگە پروباتسيالىق باقىلاۋمەن بوستاندىقتى شەكتەۋ جازاسى تاعايىندالعان.
