ءمينيستردىڭ مالىمەتىنشە, 2024 جىلعى قىركۇيەكتەن بەرى قازاقستان يرانعا 960 مىڭ توننا استىق ەكسپورتتاعان. بۇل وتكەن جىلدىڭ سايكەس كەزەڭىمەن سالىستىرعاندا 17 ەسە كوپ. الداعى ۋاقىتتا بيداي ەكسپورتى جىلىنا 2 ملن تونناعا, ارپا ەكسپورتى 1 ملن تونناعا دەيىن ۇلعايتىلادى.
سونىمەن قاتار, قازاقستان يرانعا جىل سايىن 500 مىڭ تونناعا دەيىن كۇنباعىس مايى مەن كۇنجارا جەتكىزۋگە دايىن. اۋىل شارۋاشىلىعى ونىمدەرىن تەرەڭ وڭدەۋ سالاسىندا ينۆەستيتسيالىق سەرىكتەستىكتى دامىتۋ – ەكى ەل ءۇشىن ستراتەگيالىق باعىتتاردىڭ ءبىرى.
ء«بىز يرانعا ءداندى جانە مايلى داقىلداردى ەكسپورتتاۋدا جوعارى الەۋەتتى كورىپ وتىرمىز. تاراپتار ساۋدا كولەمىن ايتارلىقتاي ۇلعايتۋعا مۇددەلى», دەدى مينيستر ايداربەك ساپاروۆ.
2024 جىلدىڭ قورىتىندىسى بويىنشا قازاقستان مەن يران اراسىنداعى اگرارلىق سالاداعى ساۋدا كولەمى 220,1 ملن اقش دوللارىن قۇراعان. بۇل 2023 جىلمەن سالىستىرعاندا 33,2%-عا ارتقان. ال 2025 جىلدىڭ العاشقى ءتورت ايىندا بۇل كورسەتكىش 139%-عا ءوسىپ, 151,1 ملن دوللارعا جەتكەن. ونىڭ ىشىندە قازاقستاندىق ەكسپورت ءۇش ەسەگە ارتىپ, 116,7 ملن دوللاردى قۇراعان.
نەگىزگى ەكسپورتتىق تاۋارلار قاتارىنا ارپا, مايلى داقىلدار, وسىمدىك مايى, جۇگەرى, بۇرشاق تۇقىمداستار جانە ەت ونىمدەرى كىرەدى.
يران تاراپى قازاقستانمەن ۇزاقمەرزىمدى كەلىسىمشارتتارعا دايىن ەكەنىن مالىمدەدى. سونداي-اق, سۋارۋ جۇيەلەرى, ۆەتەريناريا, اسىل تۇقىمدى مال گەنەتيكاسى بويىنشا تەحنولوگيا الماسۋعا نيەتتى ەكەندىگىن ءبىلدىردى.
كەزدەسۋ ناتيجەسىندە ەكى ماڭىزدى قۇجاتقا قول قويىلدى:
1.قازاقستاننىڭ استىق وداعى مەن يراننىڭ ازىق-ت ۇلىك ونەركاسىبى قاۋىمداستىعى ءداندى داقىلدار مەن مال ازىعى ساۋداسىن دامىتۋ, يراندىق پورت ينفراقۇرىلىمىن لوگيستيكادا قولدانۋ تۋرالى ۋاعدالاستى.
2.«تەمىرتاۋ ترەيد» جشس مەن يراندىق سەرىكتەستەر اۋىل شارۋاشىلىعى ونىمدەرىن جەتكىزۋگە قاتىستى كەلىسىمگە كەلدى.
«بۇگىنگى كەزدەسۋ قازاقستان مەن يران اراسىنداعى سەرىكتەستىكتى جاڭا دەڭگەيگە كوتەرەتىنىنە سەنىمدىمىن. اۋىل شارۋاشىلىعى سالاسى — ەكى ەل اراسىنداعى ساۋدانى 3 ملرد دوللارعا دەيىن ۇلعايتۋدا ماڭىزدى ءرول اتقارادى», دەپ قورىتىندىلادى مينيستر.
ەكىجاقتى جۇمىس توبى اياسىنداعى ىنتىماقتاستىق جالعاساتىن بولادى. ونىڭ العاشقى وتىرىسى 2024 جىلعى اقپاندا تەگەراندا وتكەن ەدى.
