فوتو: اشىق دەرەككوز
ونىڭ ايتۋىنشا, تۇرعىن ءۇي تولەمدەرىنىڭ مولشەرى تۇرعىن ءۇي باعاسىنىڭ وزگەرۋىنە, ينفلياتسيا دەڭگەيىنە, قىزمەت وتكەرەتىن ايماعىنا جانە وتباسى جاعدايىنا بايلانىستى بولادى.
«مىسالى, استانادا تولەم مولشەرى شامامەن 92 مىڭ تەڭگە. بۇل سوما جىل سايىن وزگەرىپ وتىرادى. ۇكىمەت جالدامالى تۇرعىن ءۇي باعاسىن رەتتەپ وتىرادى. وسكەمەندە – 49 مىڭ تەڭگە, سەمەيدە – 48 مىڭ تەڭگە. ءار قالادا ءبىر ادامعا ارنالعان ۇكىمەت بەكىتكەن تولەم مولشەرى بار», دەدى كەگەن تۇرسىنباەۆ.
ۆيتسە-ءمينيستردىڭ ايتۋىنشا, ءتورت ادامنان تۇراتىن وتباسى ءۇشىن ۇكىمەت قاۋلىسى نەگىزىندە 50 مىڭ تەڭگەدەن, ياعني جالپى 200 مىڭ تەڭگە كولەمىندە تولەم قاراستىرىلادى.
«زاڭ 30 ماۋسىمدا كۇشىنە ەنگەن سوڭ, ءتيىستى تۇرعىن ءۇي تولەمدەرى جۇزەگە اسا باستايدى. سول ۋاقىتقا دەيىن ءبىز ءوزىمىزدىڭ زاڭعا تاۋەلدى اكتىلەرىمىزدى دايىنداپ ۇلگەرۋىمىز قاجەت. ارنايى ءبولىم قۇرىلىپ, كىمگە تولەم تيەسىلى, كىمگە تيەسىلى ەمەس ەكەنىن انىقتالادى», دەدى ول.
