مىسالى, «الماتى» الەۋمەتتىك-كاسىپكەرلىك كورپوراتسياسى ماڭىزدى جوبالاردى ىسكە اسىراتىن 30 كاسىپكەرگە جەڭىلدىكتى شارتتارمەن تۇرعىنۇي ەمەس عيماراتتاردى جالعا بەردى.
ءۇي-جايلار كورپوراتسيا بالانسىندا قولايلى جىلجىمايتىن م ۇلىك نىسانداردىڭ پايدا بولۋىنا قاراي «الماتى» اكك سايتىندا وتكىزىلەتىن اشىق كونكۋرس نەگىزىندە ۇسىنىلادى. بۇل بايقاۋعا الەۋمەتتىك باعدارلانعان جوبانى ىسكە اسىراتىن كەز كەلگەن كاسىپكەر قاتىسا الادى. ادەتتە, ينكليۋزيا, دەنساۋلىق ساقتاۋ, ءبىلىم بەرۋ جانە كرەاتيۆتى يندۋستريا سالالارىنداعى باستامالاردى قولداۋعا باسىمدىق بەرىلەدى.
جەڭىمپازبەن جالداۋ شارتى ءوندىرىپ الۋ قۇقىعىنسىز ۇزارتۋ مۇمكىندىگىمەن ءۇش جىلعا دەيىنگى مەرزىمگە جاسالادى. بۇدان باسقا, «الماتى» اكك-دە ەكى ايلىق جەڭىلدىكتى كەزەڭ قاراستىرىلعان, ونداي كەزدەكاسىپكەردەن جالداۋ اقىسى الىنبايدى. نىساندار اعىمداعى كۇيدە بەرىلەدى, ال جالعا الۋشى جوندەۋ جۇمىستارىن جۇرگىزە الادى.
قازىرگى تاڭدا قولداۋ تاپقان جوبالاردىڭ قاتارىندا مۇگەدەكتەردى بەيىمدەۋ, وڭالتۋ ورتالىقتارى, ەرەكشە ءبىلىم بەرۋ قاجەتتىلىكتەرى بار بالالارعا ارنالعان لوگوپەديالىق, دەفەكتولوگيالىق, سەنسورلىق جانە نەيروپسيحولوگيالىق باعىتتاعى كۋرستار, سونداي-اق ايەلدەرگە, جاسوسپىرىمدەر مەن زەينەتكەرلەرگە ارنالعان شىعارماشىلىق شەبەرحانالار مەن ۇيىرمەلەر بار.
قالادا جۇمىس ورىندارىن قۇرۋ ماسەلەلەرىنە ەرەكشە نازار اۋدارىلاتىندىقتان, حالىقتىڭ الەۋمەتتىك وسال توپتارى ساناتىنداعى ايەلدەردى جۇمىسقا ورنالاستىرا وتىرىپ, تىگىن ءوندىرىسى ۇيىمداستىرىلىپ وتىر.
مەملەكەت پەن الەۋمەتتىك بيزنەستىڭ ارىپتەستىك تەتىگى اياسىندا الماتىدا بارلىعى 221 جاڭا جۇمىس ورنى قۇرىلدى.
