جارتىلاي فينالدا ۋلريكە ەيكەري (نورۆەگيا)/ەري ءحودزۋميدى (جاپونيا) جولدارىنان ىعىستىردى. فينالدا ۇزدىكتەر تىزىمىندە ەكىنشى ورىندا تۇرعان يتاليانىڭ قوس مىقتىسى – جاسمين پاوليني/سارا ەرراني جۇبىمەن شەبەرلىك بايقاستى. بۇل باسەكەدە اپەننين تۇبەگىنەن كەلگەن ارۋلاردىڭ اسىعى الشىسىنان ءتۇستى – 6:4, 2:6, 6:1.
ايەلدەر سايىسى اقش-تىڭ وكىلى كوري گاۋففتىڭ جەڭىسىمەن اياقتالدى. فينالدا ول بەلارۋستىك ارينا سوبولەنكوعا 6:7, 6:2, 6:4 ەسەبىمەن سان سوقتىردى. ونىڭ الدىندا امەريكالىق تەننيسشى وليۆيا گادەكي (اۋستراليا), تەرەزا ۆالەنتوۆا مەن ماري بوۋزكوۆا (چەحيا), ەكاتەرينا الەكساندروۆا (رەسەي), مەديسون كيز (اقش), لويس بۋاسسوننان (فرانتسيا) باسىم ءتۇستى.
ەرلەر اراسىنداعى باسەكەنىڭ باس جۇلدەسىن يتاليالىق ياننيك سيننەر مەن يسپانيالىق كارلوس الكاراس ءوزارا ساراپقا سالدى.
5 ساعات 29 مينۋتقا سوزىلعان سايىس پيرەنەي تۇبەگى تۇلەگىنىڭ پايداسىنا شەشىلدى. بۇل – «رولان گارروستىڭ» رەكوردتىق كورسەتكىشى. جەڭىمپاز باس باسەكەگە دەيىن دۋليو تسەپپەري, لورەنتسو مۋزەتتي (يتاليا), فابيو ماروجان (ماجارستان), دامير دجۋمحۋر (بوسنيا مەن گەرتسەگوۆينا), بەن شەلتون, توممي پولدان (اقش) ايلاسىن اسىردى. ءسويتىپ, الكاراس «ۇلكەن دۋلىعا» ساناتىنداعى تۋرنيرلەردەگى جەڭىستەر سانىن بەسكە جەتكىزدى.
جەكەلەگەن سايىستا ەلىمىزدىڭ تەننيسشىلەرى اراسىنان الەكساندر بۋبليك جاقسى ونەر كورسەتتى. اتر رەيتينگىندە 62-ورىندا تۇرعان وتانداسىمىز اۋستراليالىق دجەيمس داكۆورت (اتر №92), الەكس دە ميناۋر (№9), پورتۋگاليالىق ەنريكا روشا (№200), ۇلىبريتانيالىق دجەك درەيپەردى (№5) جەڭىپ, شيرەك فينالعا شىقتى. بىراق بۇل مەجەدە الەمنىڭ ءبىرىنشى راكەتكاسى, يتاليالىق ياننيك سيننەردەن اسا المادى.
