جەڭىلدىكتى شاعىن نەسيەلەر اۋىل تۇرعىندارىنا بيزنەس اشۋعا, جاڭا جۇمىس ورىندارىن اشۋعا عانا ەمەس, تۋعان اۋىلدارىنداعى ءومىرىن جاقسارتۋعا دا مۇمكىندىك بەرەدى.
نوۆوۋزەنكا اۋىلىنداعى فەرمەر قايرات ابيەۆ ءىرى قارا مال وسىرۋمەن اينالىسادى, ول نەسيە الىپ, تراكتور ساتىپ الدى.
بۇرىن, ونىڭ ايتۋىنشا, ءجيى بۇزىلاتىن ەسكى تەحنيكامەن جۇمىس ىستەۋگە تۋرا كەلەتىن.
– جاڭا تراكتور «مەرسەدەسكە» ۇقسايدى, – دەيدى ول. – وندا جۇمىس ىستەۋ جانە شارۋاشىلىعىمدى باسقارۋ وڭاي: قار تازالاۋ, ءشوپ پەن كومىر تاسىمالداۋ جانە ت. ب.
بۇگىندە قايرات ابيەۆتىڭ شارۋا قوجالىعىندا 140 باس ءىرى قارا مال بار. فەرمەر مال باسىن كوبەيتۋدى جوسپارلاپ وتىر.
«اۋىل اماناتى» باعدارلاماسى بويىنشا شاعىن نەسيەلەر بەس جىلعا دەيىنگى مەرزىمگە 2,5%-بەن بەرىلەدى. ەڭ جوعارعى سوما – جەكە كاسىپكەرلەر ءۇشىن 9,8 ملن تەڭگە جانە كووپەراتيۆتەر ءۇشىن 30 ملن تەڭگەگە دەيىن. كوبىنەسە مال شارۋاشىلىعىن دامىتۋعا قاراجات الادى, بىراق اگراريلەر دە مەملەكەتتىڭ قولداۋىنا يە بولادى.
ۇشتوبە اۋىلىندا ەكى كاسىپكەر ازامات امانتاي ۇلى مەن جاسۇلان سماعۇلوۆ اۋىل شارۋاشىلىعى كووپەراتيۆتەرىن قۇرىپ, مەملەكەتتىك قولداۋعا يە بولىپ, جىلىجاي سالۋدا. ءىس اياقتالۋعا جاقىن.
ولار كوكونىستەردى جىل بويى ءوسىرىپ, لوگيستيكاعا كەتەتىن قوسىمشا شىعىندارسىز قولجەتىمدى باعامەن ساتپاقشى.
– جازدا دا, قىستا دا ءونىم جينايتىن بولامىز, – دەيدى جاسۇلان سماعۇلوۆ. – ەگەر ءبارى جاقسى بولسا, ءوندىرىستى كەڭەيتىپ, تروپيكالىق جەمىستەرمەن اينالىسامىز.
ۇشتوبە اۋىلىندا شاعىن ءسۇت زاۋىتى دا ءوز جۇمىسىن باستادى. ول جوندەلگەن عيماراتتا اشىلدى, جابدىقتار «دامۋ» قورىنىڭ قولداۋىمەن ساتىپ الىندى.
سۇزبە, ماي جانە ىرىمشىك شىعارادى. بىراق اسسورتيمەنتتى كەڭەيتۋ جوسپاردا بار.
– ازىرگە ءسۇت جەتىسپەيدى, – دەپ مويىندايدى شاعىن زاۋىت تەحنولوگى كەنجەباي بەكمۇراتوۆ. – بىراق بوتاقارا اۋىلىندا ءسۇت قابىلداۋ پۋنكتىنىڭ اشىلۋىمەن, سونداي-اق «اۋىل اماناتى» باعدارلاماسىنىڭ ارقاسىندا جاعداي جاقسارۋى ءتيىس.
باعدارلاما باسقا دا جوبالاردى ىسكە اسىرۋعا كومەكتەستى – جارتىلاي فابريكاتتار ءوندىرۋ, ءتۋريزمدى دامىتۋ, جەم-ءشوپ شىعارۋ.
«اۋىل اماناتى» 2023 جىلى ىسكە قوسىلدى, ونىڭ جۇمىسى بارىسىندا وبلىستا 5,6 ملرد تەڭگەگە 670-تەن استام جەڭىلدىكتى شاعىن نەسيە بەرىلدى. بۇقار جىراۋ اۋدانىندا 128 جوبا جۇزەگە اسىرىلدى. ەڭ بەلسەندىلەرى بوتقارا, ۇشتوبە جانە روستوۆكا تۇرعىندارى.
بۇقار جىراۋ, اقتوعاي جانە قارقارالى اۋداندارىندا اۋىل شارۋاشىلىعى كووپەراتسياسىن دامىتۋ ء«بىر اۋىل – ءبىر ءونىم» مودەلى بويىنشا جۇرگىزىلۋدە.
بيىل وبلىستا «اۋىل اماناتى» باعدارلاماسى بويىنشا 300-گە جۋىق جوبانى قولداۋ جوسپارلانىپ وتىر.
