كەزدەسۋدە ولجاس بەكتەنوۆ قازاقستان ۇكىمەتى جوعارى دەڭگەيدە قول جەتكىزىلگەن كەلىسىمدەردى تولىق ىسكە اسىرۋعا نيەتتى ەكەنىن ايتتى. تاراپتار ساۋدا-ەكونوميكالىق, ينۆەستيتسيالىق جانە كولىك-لوگيستيكالىق سالالارداعى ىنتىماقتاستىققا ايرىقشا نازار اۋداردى. اتاپ ايتقاندا, وتاندىق ورگانيكالىق اۋىل شارۋاشىلىعى ونىمدەرىنىڭ ءوزارا ساۋداسىن كەڭەيتۋ مەن ونى قايتا وڭدەۋ جانە ەكسپورتتاۋ, حيميا, قوسىلعان قۇنى جوعارى تاۋارلار بويىنشا بىرلەسكەن كاسىپورىندار قۇرۋ مۇمكىندىكتەرى قارالدى.
ىنتىماقتاستىقتى ودان ءارى ارتتىرۋدىڭ نەگىزگى پلاتفورمالارىنىڭ ءبىرى رەتىندە ترانسكاسپي حالىقارالىق كولىك باعىتى – «ورتا ءدالىزدى» دامىتۋ ماسەلەسى العا شىقتى. سونىمەن قاتار ەكى ەلدىڭ بيزنەس-توپتارىنىڭ اقپاراتتىق تەحنولوگيالار, فارماتسەۆتيكا, تۋريزم, سونداي-اق جالپى تاجىريبە الماسۋ سالاسىنداعى ينۆەستيتسيالىق ءوزارا ءىس-قيمىلىن ىلگەرىلەتۋ پەرسپەكتيۆالارى تالقىلاندى.
بولگاريا قازاقستاننىڭ ەۋروپالىق وداقتاعى ەڭ ءىرى 15 ساۋدا سەرىكتەسىنىڭ قاتارىنا كىرەدى. وتكەن جىلى ەكىجاقتى تاۋار اينالىمى 375 ملن دوللارعا دەيىن ارتتى. قازىرگى ۋاقىتتا جاڭا جۇمىس ورىندارىن اشۋ ارقىلى جالپى قۇنى 117 ملن دوللاردان اساتىن بىرلەسكەن جوبالار پىسىقتالىپ جاتىر.
