فوتو: qaz.ulysmedia.kz
اقپارات مەملەكەتتىك بازالاردان زاڭسىز الىنىپ, Telegram ارقىلى تاراتىلعان, كەيبىرى كوللەكتورلىق كومپانيالارعا بەرىلگەن. 140-تان استام ادام, ونىڭ ىشىندە كومپانيا يەلەرى مەن ارنا اكىمشىلەرى ۇستالعان. قازىرگى تاڭدا بەس كۇدىكتى قاماۋعا الىنعان. ءتىنتۋ بارىسىندا 400-دەن استام كومپيۋتەرلىك جانە باسقا دا ەلەكتروندىق تەحنيكا تاركىلەنگەن.
«قىلمىستىق كودەكستىڭ 205-بابى 3-بولىگى (اقپاراتتىق جۇيەگە زاڭسىز قول جەتكىزۋ), 147-بابى 5-بولىگى (جەكە ومىرگە قول سۇعۋ جانە جەكە دەرەكتەر تۋرالى زاڭنامانى بۇزۋ), سونداي-اق 211-بابى 3-بولىگى (شەكتەۋلى ەلەكتروندىق اقپاراتتىق رەسۋرستاردى زاڭسىز تاراتۋ) بويىنشا قىلمىستىق ىستەر قوزعالدى. وسى زاڭسىز ارەكەتكە قاتىسى بار ادامداردىڭ تولىق شەڭبەرى انىقتالىپ جاتىر», دەدى ءىىم كيبەرقىلمىسقا قارسى ءىس-قيمىل دەپارتامەنتىنىڭ باستىعى.
