فوتو: اشىق دەرەككوز
اپات تاللاحوما قالاسىندا, نەشۆيللدەن وڭتۇستىك-شىعىسقا قاراي شامامەن 124 شاقىرىم جەردە, جەرگىلىكتى ۋاقىت بويىنشا ساعات 12:30 شاماسىندا بولعان. ۇشاق تاللاحوما اۋەجايىنان اۋەگە كوتەرىلگەننەن كوپ ۇزاماي اپاتقا ۇشىراعان.
اپاتتان قازا تاپقاندار جوق. الايدا, بورتتاعى التى ادام ءتۇرلى جاراقات الىپ, اۋرۋحاناعا جەتكىزىلگەن. ولاردىڭ ءبىرىنىڭ جاعدايى اۋىر. زارداپ شەككەندەردىڭ ەكەۋى تىكۇشاقپەن, قالعان تورتەۋى جەرۇستى كولىگىمەن تاسىمالدانعان. رەسمي اقپاراتقا سايكەس, ۇشاقتا پاراشيۋتپەن سەكىرەتىن اۋەسقوي سپورتشىلار بولعان.
اقش-تىڭ ازاماتتىق اۆياتسيا فەدەرالدى باسقارماسى اپاتتىڭ سەبەبىن انىقتاپ جاتىر.
ايتا كەتەيىك, بۇعان دەيىن, مامىر ايىندا, كاليفورنياداعى سان-ديەگو ماڭىندا جەكە ۇشاق اپاتقا ۇشىراپ, ەكى ادام قازا تاۋىپ, سەگىز ادام جارالانعان بولاتىن.
