بەرىلگەن تەحنيكا ىشىندە زاماناۋي ءورت ءسوندىرۋ اۆتوتسيستەرنالارى, جول تالعامايتىن كولىكتەر جانە مامانداندىرىلعان ينجەنەرلىك اۆتوموبيلدەر بار. جاڭا جابدىق توتەنشە جاعدايلارعا دەن قويۋدىڭ جەدەلدىگىن ەداۋىر ارتتىرۋعا جانە جەرگىلىكتى جەرلەردە بولىمشەلەردىڭ تەحنيكالىق بازاسىن نىعايتۋعا ارنالعان.
«قۇتقارۋشىلاردى قولداۋ تەك تەحنيكا مەن ينفراقۇرىلىم عانا ەمەس. بۇل كۇندەلىكتى قاۋىپسىزدىكتى قامتاماسىز ەتەتىن ادامداردىڭ ەڭبەگىن مويىنداۋ. ءبىز الداعى ۋاقىتتا دا اۋماقتىق بولىمشەلەردى — تەحنيكالىق جاعىنان دا, الەۋمەتتىك جاعىنان دا جۇيەلى تۇردە كۇشەيتەتىن بولامىز», - دەپ مينيستر اتاپ ءوتتى.
قىزمەتتىك تۇرعىن ۇيلەر كوپ جىلعى قىزمەتى مەن ماماندىققا ادالدىعى ءۇشىن بەرىلگەن ريزاشىلىقتىڭ سيمۆولى. پاتەرلەردى ءوز قىزمەتىندە جوعارى جاۋاپكەرشىلىك پەن كاسىبيلىك تانىتقان قىزمەتكەرلەر الدى.
وبلىس اكىمى اسحات شاحاروۆ تا وڭىرلىك دەڭگەيدە قۇتقارۋ بولىمشەلەرىنىڭ دايىندىعى مەن جاراقتاندىرىلۋىن قامتاماسىز ەتۋدە جان-جاقتى قولداۋ كورسەتۋ بويىنشا جۇمىس جالعاساتىنىن اتاپ ءوتتى.
«وڭىرگە جەرگىلىكتى بيۋدجەت ەسەبىنەن ليزينگكە الىنعان زاماناۋي تەحنيكا جەتكىزىلدى. بۇل جاي عانا فلوتتى جاڭارتۋ ەمەس, ءار تۇرعىننىڭ قاۋىپسىزدىگىنە ناقتى ينۆەستيتسيا. قىزمەتتىك پاتەرلەردى بەرۋ-ءبىزدىڭ قۇتقارۋشىلارىمىزعا كۇندەلىكتى ەڭبەكتەرى ءۇشىن قۇرمەت پەن ريزاشىلىقتىڭ بەلگىسى. مۇنداي باستامالار الداعى ۋاقىتتا دا جالعاساتىن بولادى», - دەپ ءوڭىر باسشىسى ايتتى.
ساپار اياسىندا مينيستر اقتوبە قالاسىنداعى «قازاق حالقىنا مىڭ العىس» ستەللاسىنا بارىپ, تجد جەكە قۇرامىمەن كەزدەستى. ورتالىق الاڭدا ارنايى تەحنيكا مەن جابدىقتار كورمەسى ۇيىمداستىرىلىپ, قۇتقارۋ قىزمەتتەرىنىڭ قازىرگى زامانعى جابدىقتالۋ دەڭگەيى مەن دايىندىعى كورسەتىلدى.
قازاقستان تجم ماتەريالدىق-تەحنيكالىق بازانى جاڭعىرتۋ, قىزمەتكەرلەردى الەۋمەتتىك قولداۋ جانە وڭىرلەر دەڭگەيىندە دەن قويۋ تيىمدىلىگىن ارتتىرۋ جونىندەگى كەشەندى شارالاردى ىسكە اسىرۋدى جالعاستىرادى.
