مەملەكەتتىك سۋبسيديالاۋ باعدارلاماسى ەلىمىزدەن استىق ەكسپورتىن ۇلعايتۋعا ىقپال ەتەتىن ماڭىزدى فاكتور رەتىندە قاراستىرىلىپ وتىر. قارجىلىق قولداۋ ديقانداردىڭ شىعىندارىن ازايتادى, ەكسپورتتى تيىمدىرەك ەتىپ, جەتكىزۋشىلەرگە جاڭا مۇمكىندىكتەر اشادى. ساراپشىلار بۇل باستامانىڭ ەكونوميكالىق پايدامەن قاتار, نارىق تەپە-تەڭدىگىن ساقتاۋعا كومەكتەسەتىنىن ايتادى. ياعني قويمالارداعى استىقتىڭ شامادان تىس جينالۋىن بولدىرمايدى جانە ىشكى باعانىڭ تومەندەۋىنىڭ الدىن الادى. سۋبسيديالار قانشالىقتى تەز بولىنەتىنى جانە ەكسپورتتاۋشى كومپانيالار كولىك شىعىندارى ءۇشىن وتەماقىنى قانشا ۋاقىتتا الاتىنى – اگرارلىق قاۋىمداستىق مۇقيات باقىلايتىن ماسەلە.
تولەمدەردىڭ باستالۋىن راستاعان ازىق-ت ۇلىك كورپوراتسياسىنىڭ مالىمەتىشە, سۋبسيديالاۋ ءنورماتيۆى باعىتىنا قاراي تاسىمالدانعان بيدايدىڭ تونناسىنا 20 مىڭ نەمەسە 30 مىڭ تەڭگەنى قۇرايدى. 27 مامىرداعى دەرەك بويىنشا استىق نارىعى وپەراتورىنا 14,3 ملرد تەڭگە سوماسىنا كولىك سۋبسيديالارىن الۋعا 284 وتىنىم كەلىپ ءتۇستى. وسى وتىنىمدەر اياسىندا 625,1 مىڭ توننا استىق ەكسپورتتالدى.
ەڭ تانىمال سۋبسيديالاناتىن باعىت – ازەربايجان بولىپ وتىر. بۇل ەلگە بىلتىر 275 229 توننا, سونداي-اق بالتىق ەلدەرىنە – 203 555 توننا بيداي ەكسپورتتالعان. قارا تەڭىز پورتتارى ارقىلى ەكسپورت 48 815 توننانى, بالتىق تەڭىزى (رف) – 35 967 توننانى قۇرادى. اۋعانستانعا سۋبسيديالاناتىن باعىت بويىنشا (تۇرىكمەنستان اۋماعى ارقىلى ترانزيتپەن) 37 032 توننا, گرۋزياعا – 24 525 توننا ەكسپورتتالدى.
