كەرەك دەرەك

كۋرس بارىسىندا قاتىسۋشى­لار جاساندى ينتەللەكتىنىڭ نەگىزگى ۇعىمدارىمەن تانىسادى, «ChatGPT», «Gemini», «Copilot» سىندى زاماناۋي جي قۇرالداردى جەتىك مەڭگەرەدى. سونىمەن قاتار ولار قايتالانىپ وتىراتىن تاپسىرمالاردى اۆتوماتتاندىرىپ, ۋاقىتتى ءتيىمدى باسقارۋ, كونتەنت جاساۋ مەن جەكە جۇمىس ۇدەرىستەرىن وڭتايلاندىرۋ ادىستەرىن ۇيرەنەدى. بۇدان بولەك قاتىسۋشىلار Telegram ارنا­لارعا جي تەحنولوگيالارىن بىرىكتىرۋ جولدارىن تاجىريبە جۇزىندە بايقاپ كورەدى.

جالپى, باعدارلاما مازمۇ­نى HR, ماركەتينگ, قۇقىق, قار­جى, اناليتيكا سىندى ءتۇرلى سالاداعى ماماندارعا دا, تەحنولوگيانى كاسىبىنە ەندىرگىسى كەلەتىن كاسىپكەر ايەلدەرگە دە پايدالى بولماق.

كۋرس سوڭىندا قاتىسۋشىلار ارنايى سەرتيفيكاتقا يە بولىپ, ودان سوڭ الماتىدا وتەتىن وفلاين ءىس-شاراعا شاقىرتۋ الادى. سونىمەن قاتار كاسىبي باي­لا­نىستار ورناتۋعا, تاجىريبە ال­ما­­سۋعا ارنالعان پىكىرلەس قاۋىم­داس­تىققا قوسىلۋعا مۇم­كىندىك تۋادى.

ايتا كەتەيىك, بۇل باعدار­لاما «EPAM Kazakhstan», جاسان­دى ينتەللەكتىنى دامىتۋ قاۋىمداستىعى, الماتى قالاسى­نىڭ اكىمدىگى, «الەۋمەتتىك ديناميكا» قوعامدىق قورى جانە «Darlean» كومپانياسىنىڭ قول­داۋىمەن جۇزەگە اسادى.