بۇل دەرەكتەردى وبلىستىق پوليتسيا دەپارتامەنتى باستىعىنىڭ مىندەتىن اتقارۋشى, پوليتسيا پولكوۆنيگى قۇرمانبەك ساحوۆ ناشاقورلىققا جانە ەسىرتكى بيزنەسىنە قارسى ءىس-قيمىلعا باعىتتالعان قىزمەتتى ۇيلەستىرۋ جونىندەگى ۆەدومستۆوارالىق شتاب وتىرىسىندا كەلتىردى.
ىشكى ىستەر ءمينيسترىنىڭ تاپسىرماسىمەن 2025 جىل – پروفيلاكتيكا جىلى دەپ اتالدى. بەكىتىلگەن جوسپارعا سايكەس, وبلىستىق پوليتسيا دەپارتامەنتى تاراپىنان پروفيلاكتيكالىق شارالاردى جانە ازاماتتاردىڭ قۇقىقتىق ساۋاتتىلىعىن ارتتىرۋ, زاڭ مەن ءتارتىپتى نىعايتۋ ماقساتىندا قىلمىسقا قارسى كۇرەستى جالعاستىرىپ, ازاماتتاردىڭ قۇقىقتارى مەن بوستاندىقتارىن سەنىمدى تۇردە قورعاۋ باعىتىنداعى شارالار كۇشەيتىلدى. وسى نەگىزدە دەپارتامەنت جانىندا ەسىرتكى قۇقىق بۇزۋشىلىقتارىنىڭ پروفيلاكتيكاسى سالاسىندا ءوزارا ءىس-قيمىل جانە ىنتىماقتاستىق جونىندەگى كەڭەس قۇرىلىپ, ناشاقورلىقتىڭ جانە ەسىرتكى قىلمىسىنىڭ الدىن الۋ, زاڭعا باعىناتىن مىنەز-ق ۇلىق پەن سالاۋاتتى ءومىر سالتىن ناسيحاتتاۋ باعىتىندا جۇمىستار جۇرگىزىلۋدە. مىسالى, ينتەرنەت ارقىلى سينتەتيكالىق ەسىرتكىلەردىڭ تارالۋىنا جول بەرمەۋ ماقساتىندا جۇرگىزىلگەن كۇندەلىكتى مونيتورينگ ناتيجەسىندە 405 اقپاراتتىق سايت انىقتالىپ, «كيبەرقاداعالاۋ» ساراپتاماسىنا جولدانىپ, بۇعاتتالدى.
ويىن-ساۋىق ورىندارىندا 48 رەيدتىك ءىس-شارا جۇرگىزىلدى. سونىمەن قاتار اۋەجاي, تەمىرجول ۆوكزالى, «قازپوچتا» قىزمەتكەرلەرىمەن بىرگە ەسىرتكى قۇرالدارى جانە پسيحوتروپتىق زاتتاردى زاڭسىز جونەلتۋ فاكتىلەرىن انىقتاۋ ءۇشىن دەپارتامەنتتىڭ قىزمەتتىك يتتەرىنىڭ كومەگىمەن جەدەل-ىزدەستىرۋ ءىس-شارالارى تۇراقتى اتقارىلىپ, جالپى 50 رەيدتىك ءىس-شارا ءوتتى. ودان بولەك, توقسان سايىن «دارمەك» جەدەل-پروفيلاكتيكالىق ءىس-شاراسى وتكىزىلۋدە.
ايتا كەتەلىك, كۇنى كەشە تۇركىستان وبلىسى پوليتسيا دەپارتامەنتىندە ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆتىڭ توراعالىعىمەن «قاراسورا-2025» جەدەل-پروفيلاكتيكالىق ءىس-شاراسىنىڭ رەسمي اشىلۋى ءوتتى.
تۇركىستان وبلىسى
