اقسۋ قالاسىندا ەسىرتكىگە قارسى ايلىق باستالدى. ول ەسىرتكىنى تۇتىنۋ مەن ولاردىڭ زاڭسىز اينالىمىنا قارسى حالىقارالىق كۇنگە ورايلاستىرىلعان. ءىس-شارا مەرەكەلىك فورماتتا ۇيىمداستىرىلدى. قوناقتار كونتسەرت تاماشالاپ, جاسوسپىرىمدەر بالالار شىعارماشىلىعى بايقاۋىنا قاتىستى. بايقاۋدىڭ ماقساتى – بالالار اراسىندا ەسىرتكىگە قارسى كوزقاراستى قالىپتاستىرۋ.
اكتسيا ەسىرتكى جارناماسى بار گراففيتيلەردى ءوشىرۋ رەيدتەرىمەن جالعاستى. سونداي-اق تۇرعىندارعا ەسىرتكىنىڭ زاڭسىز اينالىمىنا قاتىسۋدىڭ قۇقىقتىق سالدارى ءتۇسىندىرىلدى.
ايلىق اياسىندا پروفيلاكتيكالىق ءىس-شارالار, جاستارمەن كەزدەسۋلەر, دارىستەر مەن رەيدتەر وتكىزىلەدى. مۇنىڭ بارلىعى قوعامدى ەسىرتكى قاتەرىنەن قورعاۋعا باعىتتالعان.
