فوتو: اشىق دەرەككوز
وقيعا 2 ماۋسىم كۇنى ساعات 22:05 شاماسىندا اۋەزوۆ پەن گاگارين كوشەلەرىنىڭ قيىلىسىندا بولعان. جەدەل جاردەم كولىگى مەن Jac ماركالى اۆتوكولىك سوقتىعىسقان. وقيعا ءساتى بەينەباقىلاۋعا ءتۇسىپ قالعان – ۆيدەودان جەدەل جاردەم جۇرگىزۋشىسىنىڭ باعدارشامنىڭ قىزىل جارىعىنا وتكەنىن كورۋگە بولادى. كولىك جىپىلىقتايتىن ماياكتارمەن قوزعالىپ كەلە جاتقان.
«قالالىق اۋرۋحاناعا اپاتتان كەيىن ءتورت ادام جەتكىزىلدى. ءبىر جابىرلەنۋشى امبۋلاتوريالىق ەمدەۋگە جىبەرىلدى, ۇشەۋى حيرۋرگيالىق بولىمگە جاتقىزىلدى. جاعدايلارى ورتاشا اۋىر», دەپ حابارلادى جەتىسۋ وبلىسىنىڭ دەنساۋلىق ساقتاۋ باسقارماسى.
وبلىستىق پوليتسيا دەپارتامەنتىنىڭ مالىمەتىنشە, وقيعاعا بايلانىستى قىلمىستىق ءىس قوزعالىپ, تەرگەۋ باستالعان. قازىرگى ۋاقىتتا جول اپاتىنىڭ سەبەپتەرى مەن ءمان-جايى انىقتالۋدا.
جانەل تولەۋبەكوۆا, ەۇۋ ستۋدەنتى
