استانانىڭ سول جاعالاۋىنداعى «استانا-ارەنا» ستاديونى مەن «سارىارقا» ۆەلوترەگى اراسىنداعى ۇزىندىعى 750 مەتر بولاتىن اتاۋى جوق كوشەگە ارميان عالىمى, جازۋ رەفورماتورى مەسروپ ماشتوتستىڭ ەسىمىن بەرۋ ۇسىنىلىپ وتىر. بۇل تۋرالى قالالىق تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپ مالىمدەدى.
«وتكەن جىلى, 14–15 ساۋىردە, قازاقستان پرەزيدەنتى ارمەنياعا رەسمي ساپارمەن بارىپ, بىرقاتار ەكونوميكالىق, ساياسي جانە مادەني كەلىسىمدەرگە قول قويىلدى. سول كەزدەسۋلەر بارىسىندا ەكى ەل اباي قۇنانباي ۇلىنىڭ ەسىمىن ەرەۆان قالاسىنداعى ءبىر كوشەگە نەمەسە ساياباققا, ال مەسروپ ماشتوتستىڭ ەسىمىن – استانا قالاسىنداعى ءبىر نىسانعا بەرۋ تۋرالى ۋاعدالاستى», دەدى ساكەن ەسىركەپ.
ەسكە سالايىق, 2025 جىلعى ءساۋىر ايىندا, قازاقستان مادەنيەت كۇندەرى اياسىندا ەرەۆان قالاسىنىڭ اۆان ىقشاماۋدانىندا اباي اتىنداعى ساياباق رەسمي تۇردە اشىلعان بولاتىن.
