دەنساۋلىق ساقتاۋ مينيسترلىگىنىڭ فۋنكتسيالارى كەڭەيدى

قر دەنساۋلىق ساقتاۋ مينيسترلىگى – كەلەسى سالالاردا باسشىلىقتى جۇزەگە اسىراتىن مەملەكەتتىك ورگان بولىپ ايقىندالدى:
-ازاماتتاردىڭ دەنساۋلىعىن ساقتاۋ;
-مەديتسينالىق جانە فارماتسەۆتيكالىق عىلىم, ءبىلىم بەرۋ جانە ونەركاسىپ;
-دارىلىك زاتتاردىڭ, مەديتسينالىق بۇيىمداردىڭ اينالىمى جانە ولاردىڭ اينالىمىنا باقىلاۋ جاساۋ;
-مەديتسينالىق قىزمەتتەردىڭ (كومەكتىڭ) ساپاسىن باقىلاۋ;
-حالىقتىڭ سانيتاريالىق-ەپيدەميولوگيالىق سالاماتتىلىعى, تەحنيكالىق رەگلامەنتتەر مەن نورماتيۆتىك قۇجاتتاردا بەلگىلەنگەن تالاپتاردىڭ ساقتالۋىنا باقىلاۋ مەن قاداعالاۋ;
-تاماق ونىمدەرىنىڭ ساتىلۋ كەزەڭىندەگى قاۋىپسىزدىگى;
-بيولوگيالىق قاۋىپسىزدىك.

سونىمەن قاتار, دەنساۋلىق ساقتاۋ مينيسترلىگى جاڭا فۋنكتسيالارمەن تولىقتىرىلدى:

-دەنساۋلىق ساقتاۋ سالاسىنداعى كولەڭكەلى ەكونوميكاعا قارسى ءىس-قيمىلدى جۇزەگە اسىرۋ;
-ەسىرتكى قۇرالدارى, پسيحوتروپتىق زاتتار جانە ولاردىڭ انالوگتارى;

-دەنساۋلىق ساقتاۋ جۇيەسىنىڭ جاي-كۇيى تۋرالى قوعام مەن مەملەكەتتى وبەكتيۆتى اقپاراتپەن قامتاماسىز ەتۋ, ستاتيستيكالىق جانە وزگە دە اقپاراتتى اشىق قولجەتىمدى ەتۋ;
-پسيحواكتيۆتى زاتتاردى تۇتىنۋىنا بايلانىستى ماجبۇرلەپ ەمدەۋدەن وتكەن تۇلعالارعا پسيحيكالىق دەنساۋلىق سالاسىندا مەديتسينالىق كومەك كورسەتەتىن ۇيىمنان شىعارىلعاننان كەيىن (سوت شەشىمىمەن مەرزىمىنەن بۇرىن ەمدەلىپ شىققان دەپ تانىلعانداردى قوسپاعاندا) قولداۋ ەمىن ءوتۋ ءتارتىبىن ايقىنداۋ;

-الەۋمەتتىك مەديتسينالىق ساقتاندىرۋ قورىنا بيۋدجەتتەن ترانسفەرتتەر ءبولۋ.

الينا قايراتقىزى,

ەۇۋ 2-كۋرس ستۋدەنتى