دەنساۋلىق ساقتاۋ ۆيتسە-ءمينيسترى ەرجان نۇرلىباەۆتىڭ ايتۋىنشا, جاڭارتىلعان ءتاسىل اياسىندا شەكتى باعا قۇرىلىمىنان بىرقاتار ۇستەمەلەر, سونىڭ ىشىندە ماركەتينگتىك, كولىك جانە كەدەندىك شىعىندار الىنىپ تاستالعان.
«ەندى ءوندىرۋشىنىڭ زاۋىتتىق قۇنىنا عانا بىرىڭعاي ۇستەمە قولدانىلادى. بۇل جاڭا مودەل سىناقتان ءوتتى. ەلىمىزدە تىركەلگەن بارلىق ءدارى-دارمەكتىڭ باعاسىن 1 شىلدەگە دەيىن قايتا ەسەپتەۋ جوسپارلانىپ وتىر», دەدى نۇرلىباەۆ ورتالىق كوممۋنيكاتسيالار قىزمەتىندەگى بريفينگ اياسىندا.
سپيكەردىڭ ايتۋىنشا, قازىرگى ۋاقىتتا فارماتسەۆتيكالىق نارىق قاتىسۋشىلارىمەن جاڭا باعا جۇيەسىن ەنگىزۋ بويىنشا بەلسەندى جۇمىس ءجۇرىپ جاتىر.
كۇتىلىپ وتىرعان ناتيجەلەرگە سايكەس, تەگىن مەديتسينالىق كومەكتىڭ كەپىلدىك بەرىلگەن كولەمى (تمككك) مەن مىندەتتى الەۋمەتتىك مەديتسينالىق ساقتاندىرۋ ء(مامس) شەڭبەرىندە ۇسىنىلاتىن ءدارى-دارمەكتەردىڭ باعاسى شامامەن 19%-عا تومەندەيدى, ال كوتەرمە جانە بولشەك ساۋدا نارىعىندا كەيبىر پرەپاراتتار 30%-عا دەيىن ارزانداۋى مۇمكىن.
