-وكىنىشكە قاراي, بالا العان جاراقاتتارىنان كوز جۇمدى. بەلگىلى بولعانداي, بالكون شىنىلانعان, ال بالا ەرەكشە كۇتىمدى قاجەت ەتكەن. پاتەردە اناسى اس ۇيدە شارۋامەن اينالىسىپ جۇرگەن, سونىمەن قاتار اپكەسى دە ۇيدە بولعان, - دەلىنگەن وڭىرلىك پوليتسيا دەپارتامەنتىنىڭ حابارلاماسىندا.
پوليتسەيلەردىڭ ايتۋىنشا, بالالاردىڭ قۇلاۋ سەبەپتەرىنىڭ ءبىرى دۇرىس بەكىتىلمەگەن ماسا تورلارى نەمەسە اشىق تۇرعان تەرەزە, بالكون ەسىكتەرى. قايعىلى وقيعالار كوپ جاعدايدا اتا-اناسى نەمەسە تۋىستارى ۇيدەن شىعىپ كەتكەندە, ءۇي شارۋاسىمەن اينالىسىپ جۇرگەندە بولادى.
«بالانى تەرەزەدەن نەمەسە بالكوننان قۇلاۋ قاۋپىنەن ساقتاۋ – ءار اتا-انانىڭ قولىندا. تەرەزەگە قورعانسىز ماسا تورىن ورناتپاڭىز. ارنايى تەرەزە قۇلپىن نەمەسە كىلتپەن جابىلاتىن تۇتقالار ورناتىڭىز, ولاردى بالا ءوز بەتىنشە اشا المايدى. بالانى تەرەزە مەن بالكوننىڭ جانىندا ويناپ جۇرگەندە قاراۋسىز قالدىرماڭىز. بالالارعا قاۋىپسىزدىك ەرەجەلەرىن ءتۇسىندىرۋ ماڭىزدى. ساق بولىڭىزدار. ۇيدەگى بالالاردىڭ قاۋىپسىزدىگىنە ءبىرىنشى كەزەكتە اتا-انالار جاۋاپتى ەكەنىن ۇمىتپاڭىزدار», دەيدى وڭىرلىك پوليتسيا دەپارتامەنتىنىڭ ماماندارى.
پاۆلودار وبلىسى
