استاناداعى ويىن-ساۋىق ورتالىقتارىنىڭ بىرىندە «جاستار رۋحى» جاستار قاناتى جۇمىسشى وتباسىلاردان شىققان بالالاردىڭ باسىن قوستى. مۇنداعى ماقسات – بالالاردى ءار ءتۇرلى ويىن ارقىلى جۇمىسشى ماماندىقتارىمەن تانىستىرۋ جانە قوعامنىڭ ءادىل ءارى تۇراقتى نەگىزى رەتىندە ادال ەڭبەككە قۇرمەتپەن قاراي بىلۋگە ۇيرەتۋ. جالپى, حالىقارالىق بالالاردى قورعاۋ كۇنىنە وراي, پارتيالاستار ەل اۋماعىندا 23 مىڭنان استام بالاعا ارناپ 300-دەن استام مەرەكەلىك ءىس-شارا وتكىزدى.
ءوز كەزەگىندە, «AMANAT» پارتياسىنىڭ اتقارۋشى حاتشىسى داۋلەت كارىبەك بالالارعا قامقورلىق جاساۋ مەملەكەت ساياساتىنىڭ باسىم باعىتى ەكەنىن جانە پارتيا وسى سالاداعى باستامالارعا بەلسەندى قولداۋ كورسەتەتىنىن اتاپ ءوتتى.
«مەملەكەت باسشىسى قاسىم-جومارت توقاەۆ ەلىمىزدەگى ءاربىر جەتكىنشەك مەيىرىم مەن قامقورلىققا بولەنىپ, ۇلكەننىڭ قولداۋىن سەزىنۋى, ەرتەڭگى كۇنگە سەنىممەن قاراۋى كەرەك ەكەنىن ءاردايىم ايتىپ كەلەدى. بالالارعا قامقورلىق جاساۋ – «AMANAT» پارتياسى اتقاراتىن اۋقىمدى جۇمىستىڭ نەگىزگى ءارى اجىراماس بولىگى. انا مەن بالاعا لايىقتى قامقورلىق, دامىعان الەۋمەتتىك ينفراقۇرىلىم, قولجەتىمدى باسپانا – وتباسى ءال-اۋقاتى مەن دەموگرافيالىق ءوسىمنىڭ ەڭ ماڭىزدى ءارى مىندەتتى شارتى. اتاپ ايتقاندا, ماجىلىستەگى پارتيا فراكتسياسىنىڭ كۇش سالۋىمەن مەملەكەت باسشىسىنىڭ «ۇلتتىق قور – بالالارعا» باعدارلاماسى جۇزەگە اسىرىلدى, «كەلەشەك» بىرىڭعاي ەرىكتى جيناقتاۋ جۇيەسى ازىرلەندى, بالالاردىڭ قاۋىپسىزدىگىن قامتاماسىز ەتۋگە باعىتتالعان قوسىمشا نورمالار قابىلداندى, جەتىم بالالاردى قورعاۋ تەتىكتەرى كۇشەيتىلدى جانە وزگە دە ماڭىزدى شارالار قولعا الىندى», – دەدى ول.
«جاستار رۋحى» جاستار قاناتىنىڭ توراعاسى اقەركە يسكاندەروۆانىڭ ايتۋىنشا, بالالار جۇمىسشى ماماندىقتارىمەن ءار ءتۇرلى ويىن ارقىلى تانىسادى. وسىلايشا, بالالاردىڭ تىڭ دۇنيەنى تانۋعا دەگەن قىزىعۋشىلىعى ويانادى.
«ويىن ارقىلى بالالار ءبىلىم مەن داعدىنى بويعا الدەقايدا جاقسى سىڭىرەدى. ءبىلىم بەرۋ بارىسى بارىنشا قىزىقتى ءارى تارتىمدى بولۋى كەرەك. جۇمىسشى ماماندىقتارى جىلى اياسىندا ءبىز تەك مەكتەپ بىتىرۋشىلەرمەن جانە ستۋدەنتتەرمەن عانا ەمەس, سونىمەن قاتار, وقۋشىلارمەن, اسىرەسە باستاۋىش سىنىپتا ءبىلىم الاتىن بالاقايلارمەن جۇمىس ىستەۋگە ۇمتىلامىز. بالالار الەمگە دەگەن كىرشىكسىز كوزقاراسى ارقىلى وزدەرىن ءتۇرلى ماماندىق يەسى رەتىندە ەلەستەتە الادى. سەبەبى اسقاق ارمانداردىڭ العاشقى ىرگەتاسى وسى بالا كەزدە قالانادى. ەرەسەكتەردىڭ مىندەتى – بالا قيالىن دۇرىس ارناعا باعىتتاپ, ۇل-قىزدارعا تاڭداۋ مۇمكىندىگىن بەرۋ. وسىلايشا, ويىن ارقىلى ءبىز بالالاردىڭ بويىندا جۇمىسشى ماماندىقتارعا جانە ەڭبەك ادامىنا دەگەن قۇرمەتتى قالىپتاستىرا الامىز», – دەدى ول.
ەكى بالانىڭ اكەسى, «استانا-ەنەرگيا» اق-نىڭ ءماشينيسى ەرجان ۋمرالينوۆ ومىردە بالادان ماڭىزدى ەشتەڭە جوق ەكەنىن اتاپ ءوتتى.
« ۇلىم – مەكتەپ وقۋشىسى, ال قىزىم بيىل بالاباقشانى ءتامامداپ, كۇزدە ءبىرىنشى سىنىپقا بارادى. بالالار بەلسەندى تۇردە ءبىلىم الاتىن, ءداستۇرلى قۇندىلىقتاردى بويعا سىڭىرەتىن كەزەڭ – وسى ۋاقىت. بۇگىن بالالار جۇمىسشى ماماندىقتارى تۋرالى تەك ەستىپ قانا قويماي, ءجىتى ءتۇسىندى دەگەن ويدامىن. وسى ءىس-شارانى ۇيىمداستىرۋشىلارعا ايرىقشا العىس ايتامىن. بالالار باقىتتى بولسا – ءبىز, اتا-انالار دا باقىتتىمىز», – دەدى ول.
مەرەكەلىك ءىس-شاراعا قاتىسقان 3-سىنىپ وقۋشىسى ەرنازار ساتمۇحامبەتوۆ العان اسەرىمەن ءبولىستى:
«ويناعان ويىندارىمىز ماعان وتە قاتتى ۇنادى. اكەمنىڭ اتقارىپ جاتقان جۇمىسى اسا ماڭىزدى ەكەنىن ءتۇسىندىم. ول بارلىق جەردە جارىق جانىپ تۇرۋى ءۇشىن جۇمىس ىستەيدى. ەگەر اكەم بولماسا, اينالا قاراڭعى بولار ەدى, تەلەديدار دا, كومپيۋتەر دە جۇمىس ىستەمەس ەدى. مەن دە وسكەندە پايدالى ىسپەن اينالىسقىم كەلەدى», – دەدى ول.
«جاستار رۋحى» جاستار قاناتى حالىقارالىق بالالاردى قورعاۋ كۇنىنە وراي ءداستۇرلى ءىس-شارالار ۇيىمداستىرىپ, جۇمىسشى ماماندىقتارىنىڭ ەل ومىرىندە الار ورنىنا, ماڭىزىنا نازار اۋداردى. بيىلعى مەرەكە اتا-انالارى وندىرىستەردە, تكش, مەديتسينا, ءبىلىم بەرۋ جانە وزگە دە نەگىزگى سالالاردا ەڭبەك ەتەتىن وتباسىلاردان شىققان بالالاردى بىرىكتىردى. «جاستار رۋحىنىڭ» بەلسەندىلەرى بالالارعا انيماتورلاردىڭ قاتىسۋىمەن مەرەكەلىك كونتسەرت ۇيىمداستىرىپ, سىيلىقتار مەن ءتاتتى تاعامدار تاراتتى.
حالىقارالىق بالالاردى قورعاۋ كۇنىنە وراي پارتيالاستار «باقىتتى وتباسى» جوباسى اياسىندا ەل اۋماعىندا 23 مىڭنان استام بالاعا ارناپ 300-دەن استام مەرەكەلىك ءىس-شارا وتكىزدى. ەلىمىزدىڭ 20 وڭىرىندە تۋرنيرلەر, ەكسكۋرسيالار, انيماتسيالىق قويىلىمدار, قايىرىمدىلىق اكتسيالار وتكىزىلدى. پارتيالاستار جەتىمدەر ۇيىندەگى بالالارعا بارىپ, مەرەكەلىك كوڭىل-كۇي سىيلادى. بۇل – سوڭعى ۋاقىتتا جاسالعان اۋقىمدى جۇمىستىڭ ءبىر بولىگى عانا.
