بۇگىنگى تاڭدا سۋمەن قامتىلعاندار:
قالالىق حالىقتىڭ — 99%-ى,
اۋىلدىق حالىقتىڭ — 91,3%-ى.
2025 جىلدىڭ سوڭىنا دەيىن قالعان 33 اۋىل مەن 2 قالا — ارقالىق پەن توبىل — سۋمەن قامتىلادى. ناتيجەسىندە وڭىردە 100 پايىزدىق قامتۋ قامتاماسىز ەتىلەدى.
جوسپارلانعان شارالار:
- 20 اۋىلدا (13 مىڭ ادام) ورتالىقتاندىرىلعان سۋمەن جابدىقتاۋ (وسج) ەنگىزىلەدى,
- 13 اۋىلدا (3 مىڭ ادام) سۋ تاراتۋ پۋنكتتەرى (ستپ) ورناتىلادى,
- 7 ەلدى مەكەندە سۋ تاسىمالداۋ ۇيىمداستىرىلادى.
«حالىقتى تازا اۋىزسۋمەن قامتاماسىز ەتۋ — بۇل تەك ينفراقۇرىلىم ماسەلەسى ەمەس, ءومىر ساپاسىنىڭ نەگىزگى كورسەتكىشى. مەملەكەت باسشىسى تاپسىرعانداي, قالعان اۋىلدار مەن قالالاردا جۇمىس تولىق اياقتالادى», — دەپ اتاپ ءوتتى وبلىستىق ەنەرگەتيكا جانە تكش باسقارماسىندا.
بيىل وبلىستا 66 جوبا جۇزەگە اسىرىلۋدا:
- 45 — اۋىلدىق ەلدى مەكەندەردە,
- 21 — قالالاردا.
- جوبالاردى ىسكە اسىرۋعا 22 ملرد تەڭگە ءبولىندى, ونىڭ ىشىندە:
- 6,9 ملرد — ۇلتتىق قوردان,
- 5,3 ملرد — تۇراقتاندىرۋ قورىنان,
- 7,6 ملرد — جەرگىلىكتى بيۋدجەتتەن,
- 2,1 ملرد — رەسپۋبليكالىق بيۋدجەتتەن.
ماۋسىم ايىندا قوسىمشا 9 ملرد تەڭگە ءبولۋ جوسپارلانعان. بۇل قاراجات 14 جوباعا باعىتتالادى (ونىڭ ىشىندە 13-ءى اۋىلدىق, 1-ءى — توبىل قالاسىندا). ءتيىستى وتىنىمدەر قر يندۋستريا جانە قۇرىلىس مينيسترلىگىنە جولداندى.
كۇتىلەتىن ناتيجە:
- گەورگيەۆكا, ميحايلوۆكا, ۆوستوك, كونستانتينوۆكا, لەسنوە, سۆەردلوۆكا, پەرۆومايسكوە جانە باسقا اۋىلداردا اۋىزسۋ پايدا بولادى.
- 10 اۋىلدا ەسكىرگەن سۋمەن جابدىقتاۋ جۇيەلەرى جاڭارتىلادى.
- الىس ەلدى مەكەندەردە تاسىمال سۋدى پايدالانۋ ماسەلەسى شەشىلەدى.
بارلىق قۇرىلىس-مونتاج جۇمىستارى كەستەگە ساي جۇرگىزىلۋدە. 2025 جىلدىڭ سوڭىنا دەيىن قوستاناي وبلىسىنىڭ حالقى تولىق كولەمدە ساپالى اۋىزسۋمەن قامتاماسىز ەتىلەدى.
