تۇركىستان وبلىسىندا ماروككو شەگىرتكەسىنە قارسى وڭدەۋ جۇمىستارى اياقتالۋعا جاقىن, وندا 371 786 گەكتار جەر وڭدەلدى, قازىرگى ۋاقىتتا اۋماقتى تولىق تازارتۋ جۇمىستارى جۇرگىزىلۋدە.
جامبىل وبلىسىندا ماروككو شەگىرتكەسىنە قارسى شارالار تولىق اياقتالدى. سونىمەن قاتار, يتالياندىق پرۋسقا قارسى حيميالىق وڭدەۋ جۇمىستارى 27 898 گەكتار اۋماقتا جالعاسۋدا.
ءۇيىرلى شەگىرتكەگە قارسى كۇرەس شارالارى ەلىمىزدىڭ 15 وڭىرىندە بەلسەندى تۇردە جۇرگىزىلۋدە.
بولجام بويىنشا, 2025 جىلى قازاقستان اۋماعىندا ءۇيىرلى شەگىرتكە زيانكەستەرى 2,1 ملن گەكتارعا دەيىن جەردى باسىپ الۋى مۇمكىن. ەڭ جوعارى قاۋىپ قوستاناي, اقتوبە, تۇركىستان جانە باتىس قازاقستان وبلىستارىندا ساقتالىپ وتىر.
جالپى, 443 بىرلىك ارنايى وڭدەۋ تەحنيكاسى جۇمىلدىرىلدى, ونىڭ ىشىندە 55 جەڭىل اۆياتسيالىق ۇشاق پەن 49 درون بار.
جەرگىلىكتى جەرلەردە جۇمىستاردى وبلىس اكىمدەرىنىڭ ورىنباسارلارى باسقاراتىن جەدەل شتابتار ۇيلەستىرۋدە. مونيتورينگ پەن كۇرەس شارالارىنا 4 625 مامان تارتىلدى.
شەگىرتكە زيانكەستەرى وشاقتارىن انىقتاۋ جانە جويۋ بويىنشا كەشەندى شارالار جوسپارلى تۇردە جالعاسۋدا.
