قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  № 43

2015 جىلعى 30 قاڭتار, استانا قالاسى يونداندىرۋشى ساۋلەلەنۋ اسەرىنە ۇشىراعان ادامداردىڭ قانى مەن تىندەرىن الۋ, ساقتاۋ جانە پايدالانۋ قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 7-بابىنىڭ 1-تارماعىنىڭ 82-تارماقشاسىنا سايكەس بۇيىرامىن: 1. قوسا بەرىلىپ وتىرعان يونداندىرۋشى ساۋلەلەنۋ اسەرىنە ۇشىراعان ادامداردىڭ قانى مەن تىندەرىن الۋ, ساقتاۋ جانە پايدالانۋ قاعيدالارى بەكىتىلسىن. 2. مەديتسينالىق كومەكتى ۇيىمداستىرۋ دەپارتامەنتى: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇننىڭ ىشىندە بۇقارالىق اقپارات قۇرالدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن. 4. وسى بۇيرىق ونى العاشقى رەسمي جاريالاعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ت. دۇيسەنوۆا. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 30 قاڭتارداعى №43 بۇيرىعىمەن بەكىتىلدى يونداندىرۋشى ساۋلەلەنۋ اسەرىنە ۇشىراعان ادامداردىڭ قانى مەن تىندەرىن الۋ, ساقتاۋ جانە پايدالانۋ قاعيدالارى 1. جالپى ەرەجەلەر 1.وسى يونداندىرۋشى ساۋلەلەنۋ اسەرىنە ۇشىراعان ادامداردىڭ قانى مەن تىندەرىن aلۋ, ساقتاۋ جانە پايدالانۋ قاعيدالارى (بۇدان ءارى - قاعيدالار) يونداندىرۋشى ساۋلەلەنۋ اسەرىنە ۇشىراعان ادامداردىڭ قانى مەن تىندەرىن (بۇدان ءارى – بيولوگيالىق ماتەريال) الۋ, ساقتاۋ جانە پايدالانۋ ءتارتىبىن ايقىندايدى. 2.يونداندىرۋشى ساۋلەلەنۋ اسەرىنە ۇشىراعان ادامداردىڭ بيولوگيالىق ماتەريالىن الۋدى, ساقتاۋدى جانە پايدالانۋدى دەنساۋلىق ساقتاۋ ۇيىمدارى جۇزەگە اسىرادى. 3.بيولوگيالىق ماتەريال مىناداي يونداندىرۋشى ساۋلەلەنۋ اسەرىنە ۇشىراعان ادامداردان الىنادى: «رادياتسيالىق قاۋىپسىزدىككە قويىلاتىن سانيتاريالىق-ەپيدەميولوگيالىق تالاپتار» قازاقستان رەسپۋبليكاسى ۇكىمەتىنىڭ 2012 جىلعى 2 اقپانداعى № 201 قاۋلىسىمەن بەكىتىلگەن گيگيەنالىق نورماتيۆتەرىمەن (بۇدان ءارى – گيگيەنالىق نورماتيۆتەر) بەلگىلەنگەن رادياتسيالىق اپاتتى جويۋ كەزىندە ۇيعارىندى مولشەردەن ارتىق ساۋلە العان ادامداردان; يونداندىرۋشى ساۋلەلەندىرۋ كوزدەرىنەن وسى سالەلەنۋمەن بايلانىستى اۋرۋلارى بار پەرسونال مەن ادامدار ءۇشىن گيگيەنالىق نورماتيۆتەرمەن بەلگىلەنگەن مولشەرلىك شەكتەۋدەن ارتىق ساۋلەلەنۋدىڭ ءتيىمدى مولشەرىن العانداردان; 1949 — 1965 جىلدار ارالىعىندا اۋەدەگى جانە جەردەگى يادرولىق جارىلىستاردى جۇرگىزۋ كەزىندە راديواكتيۆتى زاتتارمەن لاستانعان اۋماقتاردا تۇرعان, جۇمىس ىستەگەن نەمەسە قىزمەتىن (ونىڭ ىشىندە مەرزىمدى) وتەگەن ادامداردان; 1966 — 1990 جىلدار ارالىعىندا جەر استى يادرولىق جارىلىستارىن جۇرگىزۋ كەزىندە راديواكتيۆتى زاتتارمەن لاستانعان اۋماقتاردا تۇرعان, جۇمىس ىستەگەن نەمەسە قىزمەتىن (ونىڭ ىشىندە مەرزىمدى) وتەگەن ادامداردان; يونداندىرۋشى ساۋلەلەنۋ اسەرىنە ۇشىراعان ادامداردىڭ بالالارى مەن بارلىق كەيىنگى ۇرپاقتارىنان. 2.يونداندىرۋشى ساۋلەلەنۋ اسەرىنە ۇشىراعان ادامداردان بيولوگيالىق ماتەريال الۋ 4.يونداندىرۋشى ساۋلەلەنۋ اسەرىنە ۇشىراعان ادامداردان بيولوگيالىق ماتەريال الۋ ولاردىڭ ەرىكتى تۇردە حاباردار ەتىلگەن كەلىسىمى بولعاندا جانە الدىڭعى ءۇش اي ىشىندە قان پرەپاراتتارىن قۇيۋ جانە رەنتگەندىك زەرتتەۋلەر جۇرگىزىلمەگەن جاعدايدا جۇزەگە اسىرىلادى. 5.بيولوگيالىق ماتەريال الۋدى ەمدىك-دياگنوستيكالىق مانيپۋلياتسيالار جۇرگىزۋ (بيوپسيالىق ماتەريالدى الۋ, ونكولوگيالىق اۋرۋلار بويىنشا وتا جاساۋ) كەزىندە دەنساۋلىق ساقتاۋ ۇيىمدارىنىڭ ماماندارى جۇرگىزەدى. 6.قان قازاقستان رەسپۋبليكاسى دەنساۋلىق ساقتاۋ ءمينيسترىنىڭ م.ا. 2009 جىلعى 6 قاراشاداعى № 666 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5925 بولىپ تىركەلگەن) بەكىتىلگەن قاندى جانە ونىڭ كومپونەنتتەرىن دايىنداۋ, وڭدەۋ, ساقتاۋ,وتكىزۋ ەرەجەلەرىنە سايكەس كوكتامىردان الىنادى. 7.بيولوگيالىق ماتەريالدى الۋ كەزىندە ونى تاڭبالاۋ جۇرگىزىلەدى. 8.بيولوگيالىق ماتەريالدى الۋ كەزىندە مىناداي اقپاراتتان تۇراتىن ىلەسپە قۇجاتتار تولتىرىلادى: زەرتتەلۋشى ادامنىڭ تولقۇجات دەرەكتەرى, تۇرعىلىقتى جەرى, بيولوگيالىق ماتەريال الىنعان كۇن, دەنساۋلىق جاعدايى تۋرالى مالىمەتتەر (باسىنان وتكىزگەن اۋرۋلار, سوزىلمالى جانە قاتەرلى اۋرۋلاردىڭ بولۋى, رەنتگەندىك زەرتتەۋلەرىنەن وتكەنى, دارىلىك پرەپاراتتاردى ىشكەنى, ىشىمدىككە سالىنۋى تۋرالى), جاقىن تۋىستارىنىڭ دەنساۋلىق جاعدايى تۋرالى اقپارات (باسىنان وتكىزگەن اۋرۋلاردىڭ انامنەزى, قاتەرلى جاڭا وسكىندەردىڭ, سوزىلمالى اۋرۋلاردىڭ بولۋى). 9.بيولوگيالىق ماتەريال ۇلگىلەرىن ساقتاۋ ورنىنا دەيىن تاسىمالداۋ تسەلسي بويىنشا +4-تەن +6 گرادۋسقا دەيىنگى تەمپەراتۋرالىق رەجيم ساقتالا وتىرىپ جۇزەگە اسىرىلادى. 3.يونداندىرۋشى ساۋلەلەنۋ اسەرىنە ۇشىراعان ادامداردىڭ بيولوگيالىق ماتەريالىن ساقتاۋ جانە پايدالانۋ 10.بيولوگيالىق ماتەريال دەنساۋلىق ساقتاۋ ۇيىمىندا ساقتالادى. 11.قان ۇلگىلەرىن جانە تىندەردىڭ ۇلگىلەرى سالىنعان بالاۋىز بلوكتاردى ساقتاۋ تسەلتسي بويىنشا +5-تەن +22 گرادۋسقا دەيىنگى تەمپەراتۋرالىق رەجيم ساقتالاتىن جەكە ءۇي-جايلاردا جۇزەگە اسىرىلادى. 12.قان ۇلگىلەرى مۇزداتۋدىڭ جانە جاسۋشالىق ماتەريالدى ساقتاۋدىڭ اۆتوماتتاندىرىلعان جۇيەسىندە سۇيىق ازوتتا نەمەسە تسەلسي بويىنشا -135-تەن -196 گرادۋسقا دەيىنگى تەمپەراتۋرالىق رەجيم ساقتالاتىن تەرەڭ قاتىرىلاتىن توڭازىتقىش قوندىرعىلاردا ساقتالادى. 13.ءاربىر قان ۇلگىسى ارنايى ساۋىتتاردا - كريوتۇتىكتەردە نەمەسە كريوشيشالاردا ساقتالادى. 14.ساقتاۋعا ارنالعان ساۋىتتار ازوتتىڭ دەڭگەيىن جانە ونىڭ تولۋ ۋاقىتىن باقىلاۋعا مۇمكىندىك بەرەتىن اۆتوماتتى دابىل جۇيەسىمەن جابدىقتالۋى ءتيىس. 15.بيولوگيالىق ماتەريال ۇلگىلەرىن ساقتاۋعا ارنالعان ارنايى جابدىققا قىزمەت كورسەتۋدى وسى جابدىقپەن جۇمىس ىستەۋگە رۇقساتى بار قىزمەتكەرلەر جۇزەگە اسىرادى. 16.بيولوگيالىق ماتەريالدى ساقتاۋ كەزىندە تەمپەراتۋرالىق رەجيمگە تۇراقتى باقىلاۋ جۇرگىزىلەدى. 17.ەلەكتر جابدىعى جارامدى جاعدايدا بولادى, جەكە ءۇي-جايدا ورنالاسادى جانە ۇزدىكسىز, رەزەرۆتىك قورەكتەندىرۋمەن قامتاماسىز ەتىلەدى. 18.بيولوگيالىق ماتەريال تۋرالى مالىمەتتەر بيولوگيالىق ماتەريالدى ساقتاۋدى جۇزەگە اسىراتىن دەنساۋلىق ساقتاۋ ۇيىمىنىڭ بازاسىندا قۇرىلاتىن ەلەكتروندىق دەرەكقورعا ەنگىزىلۋى ءتيىس. ساقتاۋعا بەرىلگەن بيولوگيالىق ماتەريالعا مىناداي اقپارات كورسەتىلگەن سايكەستەندىرۋ كودى تاعايىندالادى: زەرتتەلۋشى ادامنىڭ تولقۇجات دەرەكتەرى, تۇراقتى تۇرعىلىقتى جەرى, بيولوگيالىق ماتەريالدىڭ ءتۇرى, بيولوگيالىق ماتەريال الىنعان كۇن. 19.بيولوگيالىق ماتەريالدىڭ ەلەكتروندىق دەرەكقورى يونداندىرۋشى ساۋلەلەنۋ اسەرىنە ۇشىراعان ادامداردىڭ بيولوگيالىق ماتەريالىنىڭ تىركەلىمى تۇرىندە رەسىمدەلەدى. 20.يونداندىرۋشى ساۋلەلەنۋ اسەرىنە ۇشىراعان ادامداردىڭ بيولوگيالىق ماتەريالى عىلىمي ۇيىمدار نەمەسە عىلىمي قىزمەتتى جۇزەگە اسىراتىن زەرتتەۋشىلەر ارقىلى عىلىمي ماقساتتاردا پايدالانىلادى. 21.بيولوگيالىق ماتەريالدى الۋ ءۇشىن بيولوگيالىق ماتەريالدى ساقتاۋدى جۇزەگە اسىراتىن دەنساۋلىق ساقتاۋ ۇيىمىنا مىناداي قۇجاتتار ۇسىنىلادى: بيولوگيالىق ماتەريال ۇلگىسىنىڭ مولشەرى جانە زەرتتەۋ مەرزىمى كورسەتىلگەن ءوتىنىش; وتىنىشتەر كەلىپ تۇسكەن كۇنىنەن باستاپ 7 جۇمىس كۇنى ىشىندە قارالادى. بيولوگيالىق ماتەريالدى ساقتاۋدى جۇزەگە اسىراتىن دەنساۋلىق ساقتاۋ ۇيىمىنىڭ باسشىسى بيولوگيالىق ۇلگىنى بەرۋ تۋرالى شەشىمدى ءوتىنىش كەلىپ تۇسكەن كۇننەن باستاپ بەس جۇمىس كۇنى ىشىندە قابىلدايدى. بيوماتەريالدى بەرۋ بيولوگيالىق ماتەريالدى ساقتاۋدى جۇزەگە اسىراتىن دەنساۋلىق ساقتاۋ ۇيىمىنىڭ باسشىسى شەشىم قابىلداعان كەزدەن باستاپ 7 جۇمىس كۇنى ىشىندە جۇزەگە اسىرىلادى. 22.زەرتتەۋ اياقتالعاننان كەيىن زەرتتەۋ جۇرگىزگەن عىلىمي ۇيىم نەمەسە زەرتتەۋشى بيولوگيالىق ماتەريالدى بەرگەن ۇيىمنىڭ باسشىسىنا: زەرتتەۋ بارىسىندا پايدالانىلماعان بيولوگيالىق ماتەريالدىڭ ۇلگىلەرىن; بيولوگيالىق ماتەريالدىڭ ءاربىر ۇلگىسىن زەرتتەۋ تۋرالى ەسەپتى ۇسىنادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10374 بولىپ ەنگىزىلدى.