كونستيتۋتسيالىق سوت توراعاسىنىڭ ورىنباسارى باقىت نۇرمۇحانوۆ قول قويىلعان قۇجات تەك تاراپتاردىڭ رەسمي كەلىسىمىن عانا ەمەس, سونىمەن قاتار ازاماتتاردىڭ قۇقىقتىق مادەنيەتىن دامىتۋ مەن ولاردىڭ قۇقىقتىق ساۋاتتىلىعىن ارتتىرۋ جولىنداعى ورتاق جاۋاپكەرشىلىكتى بىلدىرەتىنىن اتاپ ءوتتى.
«جاريالىلىق پەن اشىقتىق قاعيداتتارى – كونستيتۋتسيالىق باقىلاۋ ورگاندارى قىزمەتىنىڭ اجىراماس بولىگى. ءبىز نەگىزگى حالىقارالىق ورگانداردىڭ ۇسىنىمدارىن قوسا العاندا, جالپىعا بىردەي ستاندارتتاردى دايەكتى تۇردە ۇستانامىز»,
دەدى ول.
باس رەداكتورلار كلۋبىنىڭ پرەزيدەنتى, پارلامەنت سەناتىنىڭ دەپۋتاتى بيبىگۇل جەكسەنباي بۇقارالىق اقپارات قۇرالدارىنىڭ كونستيتۋتسيالىق باقىلاۋ ورگانى مەن قوعام اراسىنداعى بايلانىستىرۋشى بۋىن رەتىندەگى ماڭىزدى ءرولىن اتاپ ءوتىپ, ولاردىڭ وبەكتيۆتى ءارى جان-جاقتى اقپاراتقا قولجەتىمدىلىكتى قامتاماسىز ەتەتىنىن ايتتى. سەناتوردىڭ ايتۋىنشا, قازىرگى ۋاقىتتا كلۋب قۇرامىندا شامامەن 300 مەديامەنەدجەر بار. ولاردىڭ باسىم بولىگى وڭىرلەردە جۇمىس ىستەيدى. بۇل ءوز كەزەگىندە اقپاراتتىڭ تارالۋ اياسىن كەڭەيتىپ, جەرگىلىكتى جەرلەردەگى حاباردارلىقتى ارتتىرۋعا ىقپال ەتەدى.
كەزدەسۋ بارىسىندا تاراپتار كونستيتۋتسيانىڭ 30 جىلدىعىنا ارنالعان «اتا زاڭ – تاۋەلسىزدىك تىرەگى» ۇلتتىق ءىس-شارالار جوسپارىن ىسكە اسىرۋعا ەرەكشە نازار اۋداردى. كونستيتۋتسيوناليزم يدەيالارىن ىلگەرىلەتۋ, ازاماتتاردىڭ قۇقىقتارى مەن بوستاندىقتارىن قورعاۋ, سونداي-اق قۇقىقتىق ساۋاتتىلىقتى قالىپتاستىرۋ جانە قوعامدا كونستيتۋتسيالىق قۇندىلىقتاردى ناسيحاتتاۋ ىسىندە مەملەكەتتىك ينستيتۋتتار مەن مەديانىڭ كۇش-جىگەرىن بىرىكتىرۋدىڭ ماڭىزدىلىعى اتالىپ ءوتتى.
كەزدەسۋ سوڭىندا تاراپتار قول قويىلعان مەموراندۋم اياسىندا بىرلەسكەن اقپاراتتىق-اعارتۋشىلىق ءىس-شارالاردى وتكىزۋگە كەلىستى.
كەزدەسۋگە كونستيتۋتسيالىق سوتتىڭ سۋديالارى, اپپاراتىنىڭ باسشىلىق قۇرامى جانە كلۋب مۇشەلەرى – «حابار» تەلەارناسىنىڭ ديرەكتورى جايناگۇل تولەمىسوۆا, «قازاق گازەتتەرى» جشس باس ديرەكتورىنىڭ ورىنباسارى قامبار احمەت, «اباي» تەلەارناسىنىڭ ديرەكتورى ەركىن مۇحامەدجانوۆ, «Qazcontent» اق توراعاسى اينا زادابەك, باس رەداكتورلار كلۋبىنىڭ اتقارۋشى ديرەكتورى بيبىگۇل قۇلامان قاتىستى.
