– قازىرگى ۋاقىتتا يتاليادا ءتورت مىڭعا جۋىق قازاقستاندىق ستۋدەنت ءبىلىم الادى. ءبىز جاستارىمىزدىڭ ۇزدىك ۋنيۆەرسيتەتتەردە وقۋىنا مۇمكىندىك جاساعانى جانە گرانت پەن شاكىرتاقى ۇسىنعانى ءۇشىن يتاليا ۇكىمەتىنە العىس ايتامىز. ورايلى ءساتتى پايدالانا وتىرىپ, يتاليانىڭ تەحنيكالىق جوعارى وقۋ ورىندارىن قازاقستاندا فيليالدارىن اشۋعا شاقىرامىن. ءبىز قازىر ينجەنەرلىك-تەحنيكالىق بىلىمگە ەرەكشە ءمان بەرەمىز, – دەدى مەملەكەت باسشىسى.
پرەزيدەنت مادەني-گۋمانيتارلىق بايلانىستاردى ودان ءارى دامىتۋ ماقساتىندا 2026 جىلى «ورتالىق ازيا مەن يتاليانىڭ مادەنيەت جىلى» تاقىرىبى اياسىندا بىرلەسكەن ءىس-شارالار لەگىن وتكىزۋدى ۇسىندى.
كەزدەسۋ سوڭىندا قاسىم-جومارت توقاەۆ جيىندا ايتىلعان ۇسىنىستاردىڭ بارلىعى وتىرىس قورىتىندىسى بويىنشا قابىلداناتىن بىرلەسكەن دەكلاراتسيادا كورىنىس تاباتىنىن جەتكىزدى.
ءبىرىنشى «ورتالىق ازيا – يتاليا» سامميتىندە يتاليا پرەمەر-ءمينيسترى دجوردجا مەلوني, قىرعىزستان پرەزيدەنتى سادىر جاپاروۆ, تاجىكستان پرەزيدەنتى ەمومالي راحمون, تۇرىكمەنستان پرەزيدەنتى سەردار بەردىمۇحامەدوۆ, وزبەكستان پرەزيدەنتى شاۆكات ميرزيوەۆ ءسوز سويلەدى.
