مەموراندۋمعا كونستيتۋتسيالىق سوت توراعاسىنىڭ ورىنباسارى باقىت نۇرمۇحانوۆ پەن «باس رەداكتورلار كلۋبىنىڭ» پرەزيدەنتى, پارلامەنت سەناتىنىڭ دەپۋتاتى بيبىگۇل جەكسەمباي قول قويدى.
باقىت نۇرمۇحانوۆ قۇجاتتىڭ ماڭىزدىلىعىنا توقتالىپ, بۇل تەك ەكى تاراپتىڭ رەسمي كەلىسىمى عانا ەمەس, سونىمەن قاتار ازاماتتاردىڭ قۇقىقتىق مادەنيەتى مەن قۇقىقتىق ساۋاتتىلىعىن ارتتىرۋداعى ورتاق جاۋاپكەرشىلىك ەكەنىن اتاپ ءوتتى.
«جاريالىلىق پەن اشىقتىق قاعيداتتارى – كونستيتۋتسيالىق باقىلاۋ ورگاندارى قىزمەتىنىڭ اجىراماس بولىگى. ءبىز نەگىزگى حالىقارالىق ورگانداردىڭ ۇسىنىمدارىن قوسا العاندا, جالپىعا بىردەي ستاندارتتاردى دايەكتى تۇردە ۇستانامىز», دەدى ب.نۇرمۇحانوۆ.
ءوز كەزەگىندە سەناتور بيبىگۇل جەكسەمباي بۇقارالىق اقپارات قۇرالدارىنىڭ قوعام مەن كونستيتۋتسيالىق باقىلاۋ ورگانى اراسىنداعى بايلانىستىرۋشى كوپىر رەتىندەگى ماڭىزدى ءرولىن اتاپ ءوتتى. ونىڭ ايتۋىنشا, جۋرناليستەردىڭ مىندەتى – وبەكتيۆتى ءارى جان-جاقتى اقپاراتپەن قوعامدى قامتاماسىز ەتۋ.
سەناتوردىڭ ايتۋىنشا, قازىرگى ۋاقىتتا كلۋب قۇرامىندا شامامەن 300 مەديا مەنەدجەر بار. ولاردىڭ باسىم بولىگى وڭىرلەردە جۇمىس ىستەيدى. بۇل ءوز كەزەگىندە اقپاراتتىڭ تارالۋ اياسىن كەڭەيتىپ, جەرگىلىكتى جەرلەردەگى حاباردارلىقتى ارتتىرۋعا ىقپال ەتەدى.
كەزدەسۋ بارىسىندا تاراپتار قازاقستان رەسپۋبليكاسى كونستيتۋتسياسىنىڭ 30 جىلدىعىنا ارنالعان «اتا زاڭ – تاۋەلسىزدىك تىرەگى» ۇلتتىق ءىس-شارالار جوسپارىن ىسكە اسىرۋ ماسەلەسىنە ەرەكشە نازار اۋداردى. كونستيتۋتسيوناليزم يدەيالارىن ىلگەرىلەتۋ, ازاماتتاردىڭ قۇقىقتارى مەن بوستاندىقتارىن قورعاۋ, قۇقىقتىق ساۋاتتىلىقتى ارتتىرۋ, سونداي-اق قوعامدا كونستيتۋتسيالىق قۇندىلىقتاردى ناسيحاتتاۋ باعىتىندا مەملەكەتتىك ينستيتۋتتار مەن مەديانىڭ كۇش-جىگەرىن بىرىكتىرۋدىڭ ماڭىزدىلىعى ايتىلدى.
ءىس-شارا سوڭىندا تاراپتار قول قويىلعان مەموراندۋم اياسىندا بىرلەسكەن اقپاراتتىق-اعارتۋشىلىق ءىس-شارالاردى وتكىزۋگە ۋاعدالاستى.
كەزدەسۋگە كونستيتۋتسيالىق سوتتىڭ سۋديالارى, اپپاراتىنىڭ باسشىلىق قۇرامى جانە كلۋب مۇشەلەرى – «حابار» تەلەارناسىنىڭ ديرەكتورى جايناگۇل تولەمىسوۆا, «قازاق گازەتتەرى» جشس باس ديرەكتورىنىڭ ورىنباسارى قامبار احمەت, «اباي» تەلەارناسىنىڭ ديرەكتورى ەركىن مۇحامەدجانوۆ, «Qazcontent» اق توراعاسى اينا زادابەك, باس رەداكتورلار كلۋبىنىڭ اتقارۋشى ديرەكتورى بيبىگۇل قۇلامان قاتىستى.
