قوستاناي وبلىسىنىڭ 12 اۋدانىندا 650 مىڭ گەكتار جەردى حيميالىق وڭدەۋ جوسپارلانعان. شەگىرتكە دەرناسىلىنىڭ, اسىرەسە, ناۋرىزىم, امانكەلدى, جانكەلدين, قامىستى اۋداندارى مەن ارقالىق قالاسىنا قاراستى ەگىن القاپتارىنىڭ ماڭايىندا كوپ ەكەنى انىقتالعان.
«قازىر اتالعان اۋدانداردا 150 مىڭ گەكتار جەرگە مونيتورينگ جۇرگىزىلدى. ناتيجەسىندە 57 مىڭ گەكتار جەردە شەگىرتكە وشاعى بار ەكەنى انىقتالىپ وتىر. بۇگىنگە دەيىن 51 مىڭ گەكتار وڭدەلىپ, زيانكەستەر وشاعى جويىلدى. وبلىستا مەنىڭ توراعالىعىممەن فيتوسانيتارلىق شارالاردى وتكىزۋ جونىندەگى شتاب جۇمىس اتقارادى. شەگىرتكەگە قارسى وڭدەۋ جۇمىستارىن جۇرگىزۋدىڭ بارلىق ماسەلەلەرى باقىلاۋعا الىنعان. جەرگىلىكتى اتقارۋشى ورىندارعا قاراستى قىزمەتتە اۋىل شارۋاشىلىعى مينيسترلىگىمەن بىرلەسىپ جۇمىس ىستەيدى. وبلىستا شەگىركە وشاعى انىقتالعان اۋماقتى وڭدەۋگە جۇمسالاتىن حيميالىق ۋلاعىش قورى جەتكىلىكتى», دەيدى وبلىس اكىمىنىڭ ورىنباسارى ارمان ابەنوۆ.», دەيدى وبلىس اكىمىنىڭ ورىنباسارى ارمان ابەنوۆ.
قازىرگى تاڭدا القاپتا اۋماقتىق ينسپەكتسيانىڭ 263 مامانى, ولارعا جەرگىلىكتى اتقارۋشى ورىندار تاراپىنان قوسىلعان 654 ادام مونيترينگ جۇرگىزىپ جاتىر.
قوستاناي وبلىسى
