اتالعان ۇجىمنىڭ باستاماسىمەن جاقىندا عانا يتاليا ءمۋلتفيلمىنىڭ كەيىپكەرى دجەرونيمو ستيلتون ەسىمدى تىشقاننىڭ «يتالياعا ساياحاتى» دا قازاق تىلىنە اۋدارىلدى. ال «پينوككيو» ەرتەگىسى وقىرمانعا كەلەر جىلى جول تارتپاق. سونداي-اق بۇل شىعارما الماتىداعى №199 مەكتەپ-گيمنازياسىندا ساحنالاندى. مۇندا ينستيتۋتتىڭ قولداۋىمەن يتاليان تىلىندەگى بالالار تەاترى جۇمىس ىستەيدى. وقۋشىلار دانتەنىڭ «قۇدىرەتتى كومەدياسىنان» باستاپ ماركو پولونىڭ شىتىرمانعا تولا ساياحاتىنا دەيىن قويدى.
ء«بىز نەبارى 18 اي جۇمىس ىستەپ كەلەمىز. بىراق Spazio D اتتى ماڭىزدى جوبانى جۇزەگە اسىردىق. بۇل – ديزاينداعى يننوۆاتسيالارعا ارنالعان كەڭىستىك. مۇندا يتاليالىق جانە قازاقستاندىق اۆتورلاردىڭ شىعارماشىلىعى بايلانىس تاپتى. ەكىجاقتى ارىپتەستىككە باسىمدىق بەرەمىز. جاقىن ارادا ۆەنەتسيا گالەرەياسىنا قاتىسقان قازاقستاندىق سۋرەتشىلەردىڭ جۇمىستارىنا ارنالعان كورمە ۇيىمداستىرامىز», دەيدى الماتىداعى يتاليا مادەنيەت ينستيتۋتىنىڭ ديرەكتورى ەدواردو كريسافۋللي.
ايتا كەتەيىك, اتالعان ينستيتۋت اشىلعان ساتتەن باستاپ بىرقاتار مادەني شارانى ۇيىمداستىرىپ كەلەدى. سولاردىڭ ءبىرى – استاناداعى ۇلتتىق مۋزەيدە لەوناردو دا ءۆينچيدىڭ تۇپنۇسقا تۋىندىلارىنىڭ كورمەسى. مۇنداي ءىس-شارانى اۋقىمى جاعىنان تەك توكيودا وتەتىن كورمەلەرمەن سالىستىرۋعا بولادى. بۇل قازاقستاننىڭ مادەني سەرىكتەس رەتىندەگى ماڭىزىن ايقىندايدى.
