ول قازىرگى ۋاقىتتا تەرگەۋ يزولياتورىنا قامالدى. وعان قاتىستى تەرگەۋدى ۇلتتىق قاۋىپسىزدىك كوميتەتى (ۇقك) جۇرگىزۋدە. كوميتەت كۇدىكتىنىڭ نە ۇشىن ۇستالعانى تۋرالى ناقتى اقپارات بەرگەن جوق.
«اقتاۋ حالىقارالىق تەڭىز ساۋدا پورتى» ۇلتتىق كومپانياسىنىڭ باسقارما توراعاسىنا قاتىستى قىلمىستىق ءىس مۇناي كونترابانداسىمەن بايلانىستى بولۋى مۇمكىن.
ايتا كەتەيىك, اقتاۋ پورتى كاسپي تەڭىزىنىڭ شىعىس جاعالاۋىندا ورنالاسقان جانە حالىقارالىق دەڭگەيدە ءارتۇرلى قۇرعاق جۇك, شيكى مۇناي مەن مۇناي ونىمدەرىن شىعىستان باتىسقا, سولتۇستىكتەن وڭتۇستىككە جانە كەرى باعىتتا, ياعني يران, تۇركيا, رەسەي, ازەربايجان مەن تۇرىكمەنستان باعىتتارىنا جىل ون ەكى اي, تاۋلىگىنە 24 ساعات بويى تاسىمالداۋعا ارنالعان.
بۇگىندە اقتاۋ پورتى «قازاقستان تەمىر جولى» ۇك» اق قۇرىلىمىنا كىرەدى جانە «جاڭا جىبەك جولى» جوباسىنىڭ ماڭىزدى بولىگى سانالادى. پورت قىزمەتىنىڭ باعىتىن ءارتاراپتاندىرۋ ارقىلى ترانزيتتىك, ونىڭ ىشىندە كونتەينەرلىك تاسىمالداردى بەلسەندى تۇردە دامىتىپ كەلەدى. سونداي-اق ول ترانسكاسپي حالىقارالىق كولىك باعىتىنىڭ (تمتم) قاتىسۋشىسى بولىپ تابىلادى.
