ءىس-شاراعا الەمنىڭ 70-تەن استام ەل وكىلدەرى قاتىسىپ جاتىر. فورۋم «اقىل-ويلاردى بىرىكتىرە وتىرىپ, بولاشاقتى قالىپتاستىرۋ» تاقىرىبىمەن وتۋدە. قوناقتار قاتارىندا دەلەگاتسيا باسشىلارى مەن كومپانيا جەتەكشىلەرى, ولاردى ەرتكەن تۇلعالار جانە شەتەلدىك باق-تىڭ 100-دەن استام ءجۋرناليسى بار.
«بارشاڭىزبەن استانا حالىقارالىق فورۋمىندا جۇزدەسكەنىمە قۋانىشتىمىن! بۇگىنگى باسقوسۋعا شەتەل ۇكىمەتتەرىنىڭ باسشىلارى, ديپلوماتيا, بيزنەس جانە اكادەميالىق ورتاداعى دوستارىمىز بەن ارىپتەستەرىمىز قاتىسىپ وتىر. مارتەبەلى مەيماندارىمىزعا, اتاپ ايتقاندا, رۋاندا پرەزيدەنتى پول كاگامەگە جانە سولتۇستىك ماكەدونيا پرەزيدەنتى گوردانا سيليانوۆسكا-داۆكوۆاعا, ەۋروپا كەڭەسىنىڭ باس حاتشىسى الەن بەرسەگە, بۇۇ-نىڭ بۇرىنعى باس حاتشىسى پان گي مۋنعا, بىرىككەن ۇلتتار ۇيىمى جۇيەسىنىڭ جەتەكشىلەرىنە, فورۋمنىڭ وزگە دە قاتىسۋشىلارىنا شىنايى ريزاشىلىعىمدى بىلدىرەمىن», دەدى مەملەكەت باسشىسى قاسىم-جومارت توقاەۆ.
ايتا كەتەيىك فورۋمدا سپيكەر رەتىندە رۋاندا پرەزيدەنتى پول كاگامە مەن جاسىل ءوسىم جونىندەگى جاھاندىق ينستيتۋتتىڭ توراعاسى پان گي مۋن ءسوز سويلەيدى.
