فوتو: ەرلان ومار
تەرگەۋ مالىمەتتەرى بويىنشا, ونىڭ زاڭسىز ارەكەتتەرى زاڭدى مامىلە رەتىندە راسىمدەلىپ وتىرعان. قارىز شارتتارىندا كورسەتىلگەن سومالار ناقتى بەرىلگەن قاراجاتتان الدەقايدا جوعارى بولعان. ويتكەنى بۇل سومالارعا جىلدىق 100 پايىزعا دەيىن الدىن الا ەسەپتەلگەن سىياقى قوسىلعان.
كۇدىكتى وسىنداي 72 مامىلە جاساپ, جالپى 556 ميلليون تەڭگەدەن استام قاراجاتتى اينالىمعا تۇسىرگەن.
«سولاردىڭ ءبىرى – رۋدنىي قالاسىنىڭ زەينەتكەرىمەن جاسالعان كەلىسىم. ول كۇدىكتىدەن ەمدەلۋگە قاجەت دەپ 13,2 ملن تەڭگە كولەمىندە قارىز العانى تۋرالى كەلىسىمگە وتىرعان. كەلىسىم شارتتارىنا سايكەس, زەينەتكەر ەكى جىل بويى اي سايىن 600 مىڭ تەڭگەدەن تولەۋگە مىندەتتەلگەن. الايدا, ءىس جۇزىندە ول قولىنا تەك 6 ملن تەڭگە عانا العان, ال قالعان 7,2 ملن تەڭگە الدىن الا ەسەپتەلگەن پايىز رەتىندە كورسەتىلگەن. قارىزدى تولەۋ ءۇشىن ول ءوزىنىڭ جالعىز پاتەرىن كەپىلدىككە قويۋعا ءماجبۇر بولعان», دەپ حابارلادى قارجىلىق مونيتورينگ اگەنتتىگى
سوت سانكتسياسىمەن كۇدىكتىنىڭ جالپى قۇنى 154 ملن تەڭگەگە باعالانعان مۇلكىنە تىيىم سالىنعان. وعان 6 جەكە تۇرعىن ءۇي جانە «TANK 500», «TOYOTA CAMRY», «MITSUBISHI FIGHTER» ماركالى 3 اۆتوكولىك كىرەدى.
تەرگەۋ امالدارى ءالى دە جالعاسىپ جاتىر.
