فوتو: سۋ رەسۋرستارى جانە يرريگاتسيا مينيسترلىگى
اتالعان مينيسترلىكتىڭ مالىمەتىنشە, جوبا – ەلىمىزدىڭ سۋ تاسقىنىنا توزىمدىلىگىن ارتتىرۋعا جانە بوگەت قاۋىپسىزدىگىن نىعايتۋعا باعىتتالعان.
بىلتىر جاپونيانىڭ حالىقارالىق ىنتىماقتاستىق اگەنتتىگىنىڭ (JICA) ساراپشىلارى تاسقىن كەزىندە ەڭ كوپ زارداپ شەككەن قازاقستاننىڭ 4 وڭىرىندەگى 13 سۋ شارۋاشىلىعى نىسانىنا زەرتتەۋ جۇرگىزگەنى ءمالىم. سونداي-اق JICA قولداۋىمەن «قازسۋشار» كاسىپورنىنىڭ بىرنەشە مامانى جاپونيادا بىلىكتىلىكتى ارتتىرۋ كۋرستارىنان ءوتتى.
سۋ رەسۋرستارى جانە يرريگاتسيا ۆيتسە-ءمينيسترى اسلان ابدرايموۆتىڭ ايتۋىنشا سالا مينيسترلىگى قۇرىلعاننان باستاپ جاپونيامەن ىنتىماقتاستىق ەداۋىر نىعايدى.
ء«بىز ىنتىماقتاستىعىمىزدى جالعاستىرۋعا نيەتتىمىز. جاپونيانىڭ سۋ تاسقىنىنا قارسى كۇرەستە تاجىريبەسى مول جانە سۋ رەسۋرستارىن باسقارۋ سالاسىندا بىرەگەي تەحنولوگيالارى بار. بۇل ەلىمىز ءۇشىن وتە پايدالى بولۋى مۇمكىن», دەدى ۆيتسە-مينيستر.
