اتىراۋ وبلىستىق پوليتسيا دەپارتامەنتىنىڭ مالىمەتىنە سۇيەنسەك, قازىر اتالعان دەرەككە قاتىستى قىلمىستىق ءىس قوزعالدى.
«تەرگەۋ كەزىندە وقيعانىڭ بارلىق ءمان-جايى انىقتالاتىن بولادى. پوليتسيا قىزمەتكەرلەرى قاقتىعىسقا قاتىسۋشىلاردى انىقتاۋ, ۇستاۋ ءۇشىن كەشەندى شارالار قولدانۋعا كىرىستى. قىلمىستىق ءىستى تەرگەۋ دەپارتامەنت باسشىلىعىنىڭ باقىلاۋىنا الىندى», دەپ مالىمدەدى دەپارتامەنتتىڭ ءباسپاسوز قىزمەتىنەن.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ اقپاراتىنا قاراعاندا, ساعىز اۋىلىنان ءۇش ەر ادام ءتۇرلى دەنە جاراقاتىن العان.
«ساناۆياتسيا قىزمەتىمەن ءبىر ادام جەدەل تۇردە وبلىستىق اۋرۋحاناعا, ەكەۋى اۋداندىق اۋرۋحاناعا جەتكىزىلدى. قازىر مەديتسينا قىزمەتكەرلەرى جەدەل ارەكەت ەتىپ, جاراقات العاندارعا ءتيىستى العاشقى مەديتسينالىق كومەك كورسەتتى. جاراقات العاندارعا شوكقا قارسى جانە قان توقتاتۋشى تەراپيالار, اۋىرسىنۋدى باسۋ ءۇشىن ەم-دوم جۇرگىزىلدى. ناۋقاستارعا وتتەگىمەن ەمدەۋ جانە ينفۋزيالىق تەراپيا تاعايىندالدى», دەپ حابارلادى باسقارمانىڭ ءباسپاسوز قىزمەتى.
