فوتو: وكق
مەملەكەت باسشىسىنىڭ تاپسىرماسى بويىنشا ارال تەڭىزىنىڭ قۇرعاعان تۇبىندە جالپى اۋدانى 1,1 ملن گا سەكسەۋىل وتىرعىزىلىپ جاتىر.
سپيكەردىڭ ايتۋىنشا 2021-2024 جىلدارى ارال تەڭىزىنىڭ قۇرعاق تابانىندا 475 مىڭ گا كولەمدەگى جۇمىستار ورىندالدى. ەكپە ماتەريالىمەن قامتاماسىز ەتۋ ءۇشىن 33 گا الاڭدا قۋاتتىلىعى 3 ملن قارا سەكسەۋىل كوشەتى ورمان تالىمباعىنىڭ قۇرىلىسى اياقتالعان.
«بىلتىر ارال تەڭىزىنىڭ قۇرعاتىلعان تۇبىندە جۇمىستار جۇرگىزۋ ءۇشىن بيۋدجەتتەن تىس قاراجات تارتىلدى. قازاقستان-فرانتسيا بىرلەسكەن كاسىپورنى «كاتكو» 2,2 ملرد تەڭگە, «قازمۇنايگاز» ۇك» اق 420 ملرد تەڭگە ءبولدى», دەدى م.ەلەمەسوۆ.
ال بيىل جالپى اۋدانى 120 مىڭ گا گالوفيتتى وسىمدىكتەرگە تۇقىم وتىرعىزۋ اياقتالعان جانە 11 830 گا اۋماققا قارا سەكسەۋىل وتىرعىزىلعان. بۇدان باسقا, ەكولوگيا مينيسترلىگى ۇلتتىق جانە باسقا دا ءىرى كومپانيالاردان قاراجات تارتۋ ماسەلەسىن پىسىقتاپ جاتىر.
