فوتو: اشىق دەرەككوز
ساۋالدا دەپۋتات ۇلتتىق بولمىس پەن تاريحي جاۋىنگەرلىك مۇرانى ساقتاۋ ماقساتىندا مۇنداي مۋزەيدىڭ ماڭىزى زور ەكەنىن اتاپ ءوتتى. ە.باپي ۇسىنىسىن پاريج, لوندون, ماسكەۋ, باكۋ, تاشكەنت قالالارىنداعى اسكەري جانە قارۋ-جاراق مۋزەيلەرىنىڭ تاجىريبەسىمەن سالىستىردى.
ونىڭ ايتۋىنشا, قازاقستاندا ەجەلگى جاۋىنگەرلىك ءداستۇر مەن قارۋ-جاراق مادەنيەتىنەن سىر شەرتەتىن باي مۇرا بار. مىسالى, قۇلمەنتەگى تەمىرشى-ۇستالار وتباسى قازاق قارۋ-جاراعىنىڭ كوپتەگەن سيرەك ۇلگىلەرىن جەكە جيناقتاپ, ساقتاپ وتىر. سونىمەن قاتار اۋعان سوعىسىنىڭ ارداگەرى بوريس كەرىمباەۆ پايدالانعان «شيلكا» جانە وزگە دە تاريحي اسكەري جادىگەرلەر بولاشاق مۋزەيگە لايىق ەكسپوناتتار بولا الادى.
دەپۋتات رەسەي اسكەري-تاريحي مۋزەيىنىڭ ەلىمىزدە فيليال اشۋىنا بايلانىستى قوعامدا تۋىنداعان نارازىلىقتى ەسكەرىپ, قازاقستان ءوز تاۋەلسىز اسكەري مۋزەيىن اشۋعا ءتيىس دەگەن ۇستانىمىن ءبىلدىردى.
ساۋال سوڭىندا ەرمۇرات باپي اتالعان باستاما بويىنشا ۇكىمەتتىڭ ناقتى ۇستانىمىن پارلامەنتكە جەتكىزۋدى سۇرادى.
الينا قايراتقىزى
ەۇۋ 2-كۋرس ستۋدەنتى
