فوتو: اشىق دەرككوز
بايقاۋ بارىسىندا رۋدنىيداعى ءتورت بىردەي قازاق مەكتەبىنىڭ وقۋشىلارى ءبىرتۋار جازۋشىنىڭ شىعارمالارىنان تەست تاپسىرىپ, «اپامنىڭ استاۋى» اڭگىمەسى بويىنشا ەسسە جازدى.
ناتيجەسىندە 157 بالانىڭ ىشىنەن ەڭ ۇزدىك دەپ تانىلعان ۇلدانا قالانبەكوۆا, ايسامال دوسانوۆا, مارجان ناسير, ايسۇلۋ اقىلبەكوۆا, نۇراي راحىمبايقىزى ءتارىزدى 5 وقۋشى بايقاۋ جەڭىمپازى اتاندى.
جەڭىمپاز وقۋشىلاردى ماراپاتتاۋ ءراسىمى بەيىمبەت مايلين اتىنداعى №7-ءشى مەكتەپتە ءوتتى. سالتاناتتى جيىنعا رۋدنىي قالاسىنىڭ اقساقالدارى, ءبىلىم سالاسىنىڭ ارداگەرلەرى, مەكتەپ باسشىلارى, مۇعالىمدەر, اتا-انالار قاتىستى.
ءىس-شارا بارىسىندا قۇرىلىس كومپانياسىنىڭ وكىلدەرى 5 جەڭىمپازعا قاتونقاراعايداعى «Divergents Camp» لاگەرىنە جولداما بەردى.
«وتكەن جىلى مامىردا ءبىز قاتونقاراعايعا بارىپ دەمالىپ قايتقان ەدىك. شىڭعىستايعا سوعىپ ورالحان بوكەيدىڭ ءۇيىن كوردىك. سول كەزدە جازۋشىنىڭ شىعارمالارىن بالالارعا وقىتساق, ولاردىڭ وسى ءوزىمىز كورگەن شىعىستىڭ اسەم تابيعاتىنا بويلاپ, جازعى دەمالىسىن ەستە قالارلىقتاي قىزىقتى دا, مازمۇندى وتكىزۋىنە سەبەپشى بولساق دەگەن وي تۋدى. ءۇش ايدان كەيىن «QC Read» جوباسىن باستاپ كەتتىك. سودان بەرى 8 بايقاۋ وتكىزىپپىز. «ورالحان وقۋلارى» الدىمەن ماڭعىستاۋ وبلىسىنىڭ مۇنايلى اۋدانىندا بولدى. وعان 151 وقۋشى قاتىستى. وسى ءىس-شارا بارىسىندا جوبا اياسىندا اتقارىلعان بىرجىلدىق جۇمىسىمىزدى قورىتىندىلادىق. اتالعان جوبا باستالعالى ماڭعىستاۋ, قوستاناي وبلىستارىندا بەيىمبەت, ءابىش, تولەن, ورالحان, سۆەتقالي وقۋلارىن وتكىزدىك. وعان مىڭعا جۋىق بالا قاتىستى. دەمەك, ءبىر جىلدىڭ ىشىندە وسىنشاما بالانىڭ 50 شىعارما وقۋىنا نەمەسە ءبىرىنشى رەت كىتاپ بەتىن اشۋىنا سەبەپشى بولىپپىز», دەيدى كومپانيا وكىلى الماس التاي.
