تۋريزم • 28 مامىر, 2025

قىتاي مەن قازاقستان اراسىندا جاڭا تۋريستىك پويىز جولعا شىعادى

40 رەت

كورسەتىلدى

1 مين

وقۋ ءۇشىن

29 مامىردا سيان قالاسىنان «سيان – الماتى» باعىتىنداعى العاشقى تۋريستىك پويىز المالى شاھارعا بەت الادى, دەپ جازادى Egemen.kz.

دانا مىرزاقادىر

قىتاي مەن قازاقستان اراسىندا جاڭا تۋريستىك پويىز جولعا شىعادى

فوتو: تۋريزم جانە سپورت مينيسترلىگى

بۇل باستاما «ورتالىق ازيا – قىتاي» II ءسامميتى اياسىندا ۇيىمداستىرىلىپ وتىر.

پويىز الماتىعا 31 مامىردا جەتەدى دەپ جوسپارلانعان. قوناقتار الماتىدا 5 كۇن بولادى. دەلەگاتسيا قۇرامىندا 250-دەن استام مەملەكەتتىك ورگانداردىڭ, بيزنەس, عىلىم, مادەنيەت, مەديتسينا جانە سپورت سالاسىنىڭ وكىلدەرى مەن تۋريستەر بار. دەلەگاتسيانى سيان قالاسى اكىمىنىڭ ورىنباسارى سياو تسي باستاپ كەلەدى.

قوناقتار ءۇشىن ارنايى مادەني جانە ىسكەرلىك باعدارلاما دايىندالعان. تۋريستىك پويىز سيانعا 5 ماۋسىم كۇنى جولعا شىعادى.

بۇل جوبا قىتاي حالىق رەسپۋبليكاسىنىڭ مەملەكەتتىك دامۋ جانە رەفورمالار كوميتەتىنىڭ باستاماسىمەن, قر تۋريزم جانە سپورت مينيسترلىگى, «Kazakh Tourism» ۇلتتىق كومپانياسى, «قازاقستان تەمىر جولى» ۇلتتىق كومپانياسى, سىرتقى ىستەر مينيسترلىگى, كولىك مينيسترلىگى, شەكارا قىزمەتى, ىشكى ىستەر مينيسترلىگى, الماتى قالاسىنىڭ تۋريزم باسقارماسى جانە وتاندىق تۋروپەراتورلاردىڭ قولداۋىمەن جۇزەگە اسىرىلىپ جاتىر.