استانا. 13 اقپان. قىزىلوردا قالاسىندا مەملەكەتتىك ءتىلدىڭ قولدانىس اياسىن كەڭەيتۋ مەن قازاقستان حالقى اسسامبلەياسىنىڭ 20 جىلدىعىنا وراي وزگە ۇلت وكىلدەرى اراسىندا «ءتىل – تاتۋلىق تىرەگى» اتتى وبلىستىق بايقاۋ وتكىزىلدى. وعان قىزىلوردا قالاسى مەن اۋدانداردان 18-30 جاس ارالىعىنداعى ۇلت وكىلدەرى قاتىستى. بۇل تۋرالى egemen.kz ءتىلشىسى حابارلادى.
سايىس شارتى بويىنشا تالاپكەرلەر «بۇگىنگى تاڭدا قازاق ءتىلىن ءبىلۋ نەگە ماڭىزدى؟», «مەن نەگە قازاق ءتىلىن ۇيرەنگىم كەلەدى؟», «قازاق ءتىلىن ۇيرەنۋدىڭ وزىندىك ەرەكشە تاسىلدەرى», «مەنىڭ ينتەرناتسيونالدىق وتباسىم – ءبىز ۇيدە قازاقشا قالاي سويلەسەمىز», «ءتىل بىرلىگى – مەن انا ءتىلىن, قازاق, ورىس, اعىلشىن جانە باسقا دا تىلدەردى بىلەمىن» تاقىرىپتارىندا بەينەروليكتەر دايىنداپ, ونى مەملەكەتتىك تىلدە جەتكىزە ءبىلدى. سونداي-اق, بەرىلگەن تاقىرىپ بويىنشا ەسسە جازىپ, اۋىزشا سۇراقتارعا جاۋاپ بەردى.
شارا سوڭىندا جەڭىمپازدار مەن جۇلدەگەرلەر لايىقتى ماراپاتتالدى.
جولدىباي بازار.
دەرەك, سۋرەت: egemen.kz.
