فوتو: اشىق دەرەككوز
اقمولا وبلىسىندا الداعى جىلىتۋ ماۋسىمىنا جوسپارلى تۇردە دايىندىق ءجۇرىپ جاتىر. بيىل بۇل ماقساتقا 27,8 ملرد تەڭگە كولەمىندە قارجى قاراستىرىلعان. اتالعان قاراجاتتىڭ 11 ملرد تەڭگەدەن استامى جوندەۋ جۇمىستارىنا, 6 ملرد تەڭگەدەن استامى ەنەرگيا رەسۋرستارىن ساتىپ الۋعا, ال 10 ملرد تەڭگەدەن استامى ورتالىق قازاندىقتاردى قايتا جاڭعىرتۋ مەن جىلۋ جەلىلەرىن سالۋعا باعىتتالادى.
ءوڭىر باسشىسى مارات احمەتجانوۆتىڭ ايتۋىنشا, 2023–2024 جىلدارى وبلىستا ۇزىندىعى 19 شاقىرىمنان اساتىن جىلۋ جەلىلەرى جوندەلگەن. بۇل جۇمىستارعا 6,2 ملرد تەڭگە ءبولىنىپ, ناتيجەسىندە توزۋ دەڭگەيى 80,7%-دان 75%-عا دەيىن تومەندەتىلگەن. وتكەن جىلىتۋ ماۋسىمى اقاۋسىز وتكەن.
بيىل ستەپنوگورسك قالاسىندا تاعى 18 شاقىرىمنان استام جىلۋ جەلىلەرىن جاڭارتۋ جوسپارلانىپ وتىر. بۇل كورسەتكىشتى 65%-عا دەيىن تومەندەتۋگە مۇمكىندىك بەرەدى. سونىمەن قاتار, «ەنەرگەتيكالىق جانە كوممۋنالدىق سەكتورلاردى جاڭعىرتۋ» ۇلتتىق جوباسى اياسىندا ەكىنشى دەڭگەيلى بانكتەردىڭ قاتىسۋىمەن 4 شاقىرىم ماگيسترالدى جەلىنى رەكونسترۋكتسيالاۋ ماسەلەسى قاراستىرىلۋدا.
مارات احمەتجانوۆ بۇل شارالاردىڭ بارلىعى جىلىتۋ ماۋسىمىنىڭ ۇزدىكسىز ءارى ساپالى ءوتۋىن قامتاماسىز ەتەتىنىن اتاپ ءوتتى.
داميرا تولەگەن
ەۇۋ ستۋدەنتى
