ارزان باعا نازاروۆتا عانا... حالىق ازىق-ت ۇلىككە قانشا قاراجات جۇمسايدى؟

الدىمەن بازارداعى ساۋدا قاتارلارىن ارالاپ الەۋمەتتىك ماڭىزى بار تاۋارلاردىڭ ءبىر كەلىگە شاققانداعى ورتاشا باعاسىن انىقتايىق.

ءبىرىنشى سورتتى بيداي ۇنىنىڭ ەكى كەلىسى – 2200 تگ;

نان – 180;

ماكارون ونىمدەرى – 1000 تگ;

قاراقۇمىق جارماسى – 400 تگ;

تازارتىلعان كۇرىشتىڭ كەلىسى – 600 تگ;

كارتوپ - 350 تگ (ماۋسىمدىق جاڭا كارتوپ – 450 تگ);

اسحانالىق ءسابىز – 350 تگ;

پياز – 350 تگ;

قىرىققاباتتىڭ كەلىسى – 300 تگ;

اق قانت – قۇمشەكەر 2 كەلىسى – 1250 تگ;

كۇنباعىس مايىنىڭ 5 ءليترى – 5000 تگ;  

سيىر ەتى كەلىسى – 3700 تگ;

تاۋىق ەتى – 1590 تگ;

ءسۇت ايران ليتىرىنە – 480 تگ;

سارى ماي – 750;

تاۋىق جۇمىرتقاسىنىڭ 30 داناسى – 1800 تگ;

اس تۇزى  -  120-230 تگ;

سۇزبە – 1250 تگ.

بۇل تەك بەكىتىلگەن الەۋمەتتىك ماڭىزى بار تاۋارلار. قازاقستاندىقتاردىڭ شايدى تۇتىنباي تۇرا المايتىنىن ەسكەرىپ, شاي باعاسىنىڭ ورتاشا باعاسى – 1300 تگ ەكەنىنە كوز جەتكىزدىك. جالپى سوما – 22 200 تگ.   تىزىمدەگى باعالاردىڭ باسىم كوپشىلىگى – ازىقتىڭ 1 اپتالىق قور باعاسى. ايىنا 4 اپتا بارىن ەسكەرىپ, كۇنباعىس مايىنىڭ باعاسىن شەگەرىپ,  جالپى سومانى 1 ايعا ەسەپتەسەك – 73 800 تگ شىعادى. ارينە, نان ايىنا 4 رەت قانا الىنبايتىنىن دا ەسكەرىڭىز. دەمەك, جالپى ەسەپ تە  ەسەلەنە بەرەتىنى انىق. ەڭ قاراپايىم, كوپشىلىك تۇتىناتىن تاۋارلاردىڭ نارىقتاعى باعاسى وسىنداي. سوندىقتان, كوپبالالى دەپۋتات ارداق نازاروۆتىڭ باق-قا بەرگەن جاۋابىن سارالاۋدى ويلى وقىرمان ەنشىسىنە قالدىرامىز. 

«بەس ساۋساق بىردەي بولمايتىندىعى» ىسپەتتى ءار وتباسى ادام سانىنا قاراي ازىق-ت ۇلىككە ءتۇرلى مولشەردە قارجى جۇمسايتىنى ايتپاسا دا تۇسىنىكتى. دەسە دە كوپبالالى وتباسىعا «1 ايلىق ازىق-ت ۇلىك الۋعا 30-50 مىڭ تەڭگە» جەتە مە دەگەن ساۋالدى ەلوردالىقتارعا دا قويىپ كوردىك. ءبىز ايتقان سوماعا تاڭعالىپ قاراعان  انا ازىق-ت ۇلىككە ەتتى ەسەپكە الماعاندا 100 مىڭ تەڭگە جاراتاتىنىن ايتتى, كەلەسى تۇرعىن «قارجىنى ۇنەمدەپ الدىم دەگەننىڭ وزىندە ەتسىز 200 مىڭ تەڭگە جۇمسايمىز. ال استا-توك جەيتىن بولساق 300 مىڭ تەڭگەنى جوققا ساناۋ كەرەك» دەدى. تاعى ءبىر تۇرعىننىڭ ايتۋىنشا, ايىنا 50 مىڭنان جوعارى اقشا ازىق-ت ۇلىككە ارنالادى. ساۋالىمىزعا جاۋاپ بەرگەن 5 بالانىڭ اناسى: «كوپبالالى انامىن. ءبىزدىڭ وتباسىعا 1 ايعا 150 مىڭ كەتەدى. ال 30-50 مىڭ تەڭگەنى ايلىق ازىق-ت ۇلىككە جەتكىزە المايمىز. قازىر باعا جىلدام وزگەرىپ, كوتەرىلىپ جاتىر», دەيدى.

وسى ورايدا ۇلتتىق ستاتيستيكا بيۋروسىنىڭ ءساۋىر ايىنداعى ينفلياتسيا دەڭگەيى مەن باعاعا قاتىستى سان دەرەگىن سارالادىق. وتكەن جىلدىڭ ساۋىرىمەن سالىستىرعاندا كارتوپ باعاسى – 79%, باستى پياز – 63,8%, قىرىققابات – 46,8%, كۇنباعىس مايى – 20,8%, مينەرالدى جانە اۋىز سۋ – 16,8%, بانان – 16,7%, قىزاناق – 14,1%, كونديتەرلىك ونىمدەر – 13,5%, سيىر ەتى – 13,2%, سارى ماي, قامىردان جاسالعان ونىمدەر – 11,4%-دان, قوي ەتى, بالىق جانە تەڭىز ونىمدەرى – 11,1%-دان, جەمىس جانە كوكونىس شىرىندار – 10,6%, قيار -  10 پايىزعا وسكەن. ال قاراقۇمىق جارماسى – 15,1%, كۇرىش – 6,9% جۇمىرتقا باعاسى - 5,6 پايىزعا تومەندەگەن.

دەمەك, 19 الەۋمەتتىك ماڭىزى بار ازىق-ت ۇلىكتىڭ باسىم بولىگىنىڭ باعاسى قىمباتتاعان. ال دەپۋتاتتىڭ  30-50 مىڭ تەڭگەگە 1 ايلىق ازىقتى قايدان الىپ وتىرعانى كوپشىلىككە قىزىق بولۋى زاڭدى. ارينە, وسىنداي ارزان باعاداعى ازىق-ت ۇلىكتى قايدان الاتىنىن ايتسا, حالىققا ۇلكەن كومەك سول بولار ما ەدى؟