Brent ماركالى مۇنايدىڭ باعاسى 60 دوللاردان استى

استانا. 13 اقپان. جۇما كۇنى لوندوننىڭ ICE Futures بيرجاسىندا Brent ماركالى مۇنايدىڭ دەڭگەيى باررەلىنە ء(ساۋىر فيۋچەرسى) 60,04 دوللاردان كەلدى. بۇل تۋرالى ربك حابارلادى. مۇنىڭ ءوزى مۇناي باعامىنىڭ كەشەگى كۇننەن 0,71 دوللارعا كوتەرىلگەنىن كورسەتەدى. وسىنىڭ الدىنداعى ساۋدادا ول 59,28 دوللاردى كورسەتىپ ەدى. سوڭعى كەزدە ءدال مۇنداي باعا وتكەن جىلدىڭ جەلتوقسان ايىندا بولعان. «مۇناي باعاسى ونى ءوندىرۋ مولشەرىنىڭ تۇسە باستاعانىنا بايلانىستى كوتەرىلىپ ءوتىرا دەپ حاباررلادى Bloomberg اگەنتتىگى. امەريكانىڭ Apache Corp مۇناي-گاز كومپانياسى 12 اقپاننان بۇرعىلانىپ الىناتىن مۇناي كولەمىن 70 پايىزعا دەيىن قىسقارتاتىنىن, ال فرانتسۋزدىڭ Total SA كومپانياسى گەولوگيالىق بارلاۋ جۇمىستارىنىڭ شىعىنى مەن كولەمىن قىسقارتۋدى جوسپارلاپ وتىرعانىن جاريا ەتتى. حالىقارالىق ەنەرگەتيكالىق اگەنتتىكتىڭ 9 اقپان كۇنى جاريالانعان الداعى بەس جىلعا جاسالعان بولجامىندا قازىرگى كەزدە مۇنايدىڭ ەڭ تومەنگى نۇكتەلەردەن الىنىپ جاتقانى, سوندىقتان جاقىندا مۇناي شيكىزاتىنىڭ باعاسى قايتادان كۇرت قاۋلاپ قىمباتتاي باستايتىنى اتاپ كورسەتىلگەن. الايدا, بايانداما اۆتورلارىنىڭ پىكىرلەرىنشە, سۇرانىستىڭ ءوزى ءالسىز بولادى – 2016 جىلى مۇنايدىڭ ورتا باعاسى باررەلىنە 60 دوللاردىڭ شاماسىنان اسپايدى. بۇدان بۇرىن وپەك ءوزىنىڭ ەسەبىندە مۇنايعا 2015 جىلعى سۇرانىستىڭ جاقساراتىنىن بولجاعان ەدى. ۇيىمنىڭ اي سايىنعى ەسەبىندە سۇرانىستىڭ تاۋلىگىنە 1,17 باررەلگە ءوسىپ تۇراتىنى ايتىلعان. مۇرات ايتقوجا. دەرەك, فوتو: ربك.