- اۋەسقوي بوكس تاريحىنداعى ەڭ مىقتى بوكسشىلاردىڭ ءتىزىمى جاريالاندى. بۇل رەتتە بىلعارى قولعاپ شەبەرلەرىنىڭ جەڭىسى مەن جەڭىلىستەرى سانى ەسەپكە الىندى. ۇزدىكتەر تىزىمىندە گەننادي گولوۆكين ەكىنشى ورىندا تۇر. GGG ءوز مانسابىندا 345 رەت جەڭىسكە جەتىپ, 5 كەزدەسۋدە عانا ۇتىلدى. كوش باسىندا – ۋكراينالىق ۆاسيلي لوماچەنكو. ول 397 جەكپە-جەكتىڭ تەك بىرەۋىندە جەڭىلىس تاپتى. ۇزدىك ۇشتىكتى الەكساندر ۋسيك تۇيىندەپ تۇر. ۋكراينانىڭ ماقتانىشى 335 باسەكەدە باسىمدىق تانىتىپ, 15-ىندە ەسە جىبەردى. سونداي-اق توپ-10-دىقتىڭ قاتارىندا فەليكس ساۆون (358 جەڭىس, 17 جەڭىلىس), گيلەرمو ريگوندو (374-12), وسكار دە لا حويا (223-5), تەوفيلو ستيۆەنسون (302-20), دونالد كارري (404-4), لاسلو پاپپ (301-12), روي دجونس (212-13), ريچارد ماكتاگگارت (610-24), شۋگار رەي روبينسون (86-0), كيد چوكولاتە (100-0) سىندى جۋان جۇدىرىقتى جىگىتتەر بار.
- فۋتبولدان قازاقستان چەمپيوناتىنىڭ 9-تۋر ويىندارى مىناداي ناتيجەلەرمەن اياقتالدى: «قايرات» – «وقجەتپەس» 1:2, «استانا» – «جەڭىس» 4:2, «وقجەتپەس» – « ۇلىتاۋ» 0:1, «جەتىسۋ» – «اقتوبە» 2:1, «قىزىلجار» – «ەلىماي» 1:1, «اتىراۋ» – «قايسار» 1:2, «تۇران» – «توبىل» 1:2. تالدىقورعاندا جەڭىلگەنىنە قاراماستان «اقتوبە» ءالى دە كوش باسىندا كەلەدى. ولاردىڭ ەنشىسىندە 25 ۇپاي بار. ەكىنشى, ءۇشىنشى ورىنداردا – «استانا» (24 ۇپاي) مەن «قايرات» (23 ۇپاي). ەڭ سوڭعى ورىندا – «اتىراۋ» (4 ۇپاي).
- رەسەيلىك سوفيا لانسەرەمەن جۇپ قۇرعان ساندۋعاش كەنجەباەۆا قىتايدىڭ ماانشان قالاسىندا ۇيىمداستىرىلعان ITF تۋرنيرىندە توپ جاردى. فينالدا ولار مەيكي گو (قىتاي)/پەانگتارن پليپۋەچتى (تايلاند) 6:3, 3:6, 10:8 ەسەبىمەن ۇتتى. بۇل – ساندۋعاشتىڭ بيىلعى ماۋسىمداعى ءتورتىنشى تيتۋلى. بۇعان دەيىن قازاق تەننيسشىسى تۇركيانىڭ انتالياسىندا وتكەن ءۇش ءتۋرنيردىڭ جۇپتىق سايىسىندا باس جۇلدەنى ولجالاعان ەدى.
- فۋتبولدان ەلىمىزدىڭ ۇلتتىق قۇراماسى 5 ماۋسىمدا بەلارۋسپەن جولداستىق كەزدەسۋ وتكىزىپ, 9 ماۋسىمدا الەم چەمپيوناتىنىڭ ىرىكتەۋ ءتۋرنيرى اياسىندا سولتۇستىك ماكەدونياعا قارسى وينايدى. وسى ماتچتارعا باس باپكەر ءالي اليەۆ مىنا ويىنشىلاردى شاقىرتتى: قاقپاشىلار – مۇحاممەدجان سەيسەن («استانا»), الەكساندر زارۋتسكي («قايرات»), ستاس پوكاتيلوۆ («ساباح», ازەربايجان), بەكحان شايزادا («ورداباسى»); قورعاۋشىلار – الىبەك قاسىم («اقتوبە»), يان ۆوروگوۆسكي, مارات بىستروۆ («استانا»), نۇرالى ءالىپ («زەنيت», رەسەي), رومان اسرانقۇلوۆ, الەكساندر زۋەۆ, ناۋرىزبەك جاگوروۆ («توبىل»), ەركىن تاپالوۆ («قايرات»), سەرگەي مالىي, ۇلار جاقسىباەۆ, سۇلتانبەك استانوۆ («ورداباسى»), ادىلبەك جۇماحانوۆ («ەلىماي»); جارتىلاي قورعاۋشىلار – اسحات تاعىبەرگەن, يسلام چەسنوكوۆ («توبىل»), رامازان ورازوۆ («سيلكەبورگ», دانيا), باقتيەر زاينۋتدينوۆ («بەشيكتاش», تۇركيا), ايبول ابىكەن («قايسار»), سەرىكجان مۇجىقوۆ, الماس تۇلەباي («ەلىماي»), عالىمجان كەنجەبەك («كوشيتسە», سلوۆاكيا), دامير مارات, داۋرەن جۇمات («وقجەتپەس»), يسلامبەك قۋات, دىنمۇحامەد قارامان («جەڭىس»), گەورگي جۋكوۆ («پۋششا» پولشا), مۋرودجون حالماتوۆ, زيكريللو سۇلتانيازوۆ («ورداباسى»); شابۋىلشىلار – ابات ايىمبەتوۆ («ادانا دەميرسپور», تۇركيا), ماكسيم سامورودوۆ («احمات», رەسەي), ايبار جاقسىلىقوۆ («قايسار»), داستان ساتپاەۆ («قايرات»), اليار مۇحامەد («وقجەتپەس»).
