باعدارلامانىڭ نەگىزگى ماقساتى – مەملەكەتتىك قىزمەتتىڭ تيىمدىلىگىن ارتتىرۋ جانە جۇمىس پروتسەستەرىنە جاساندى ينتەللەكت (AI) قۇرالدارىن ەنگىزۋ. مەملەكەت باسشىسى قاسىم-جومارت توقاەۆ ءوز جولداۋلارىندا ازاماتتاردىڭ تسيفرلىق ساۋاتتىلىعىن ارتتىرۋعا, اسىرەسە جاساندى ينتەللەكت سالاسىندا ءبىر ميلليون ادامدى وقىتۋ قاجەتتىلىگىنە ەرەكشە نازار اۋدارعان بولاتىن.
«پرەزيدەنت جاساندى ينتەللەكت تەحنولوگيالارىن جانە اۋقىمدى مالىمەتتەر قورىن – Big Data-نى ءتيىمدى پايدالانۋ, زاماناۋي تسيفرلىق تەحنولوگيالار ارقىلى حالىقپەن ەتەنە بايلانىس ورناتۋ جولدارىن جاقسارتۋ قاجەتتىلىگىن العا قويدى. اگەنتتىك مەملەكەتتىك قىزمەتشىلەردىڭ تسيفرلىق قۇزىرەتتەرىن ارتتىرۋبويىنشا ءتيىستى شارالار قابىلداۋدا. وتكىزىلىپ جاتقان وقىتۋلار مەملەكەتتىك اپپاراتقىزمەتىندە جاڭا تەحنولوگيالاردى ءتيىمدى قولدانۋعا مۇمكىندىك بەرەدى», دەدى دارحان جازىقباي.
وقىتۋ كۋرستارى مەملەكەتتىك باسقارۋ اكادەمياسىنىڭ ورتالىق جانە وڭىرلىك فيليالدارىندا وتەدى. تىڭداۋشىلار دەرەكتەردى تالداۋ, اكىمشىلىك پروتسەستەردى اۆتوماتتاندىرۋ, شەشىم قابىلداۋ جانە ونىمدىلىكتى ارتتىرۋ باعىتىندا ءبىلىمىن جەتىلدىرەدى.
AI-Qyzmet باعدارلاماسى اياسىندا مەملەكەتتىك قىزمەتشىلەرگە كەلەسى باعىتتاردا داعدىلار ۇيرەتىلەدى:
- اقپاراتتى وڭدەۋ;
- جوسپارلاۋ;
- پرەزەنتاتسيالار دايىنداۋ;
- زاماناۋي تىلدىك مودەلدەرمەن (ChatGPT سەكىلدى) جۇمىس ىستەۋ;
- جاساندى ينتەللەكت جۇيەلەرىنە بەيىمدەلۋ قاعيداتتارى.
وقىتۋ Snack Learning فورماتى بويىنشا دا – قىسقا ۆيدەودارىستەر تۇرىندە ۇسىنىلادى. بۇل مەملەكەتتىك قىزمەتشىلەردىڭ جۇمىس كەستەسىنە ىڭعايلى ءارى يكەمدى ءتاسىل.
2025 جىلدىڭ سوڭىنا دەيىن باعدارلاما اياسىندا شامامەن 30 مىڭعا جۋىق مەملەكەتتىك قىزمەتشى وقىتۋدان وتەدى دەپ جوسپارلانعان.
