فوتو: اشىق دەرەككوز
ءوز كەزەگىندە جەرگىلىكتى ءداستۇرلى قولونەرشىلىكتى زەرتتەۋگە, قۇجاتتاپ, تانىمالدىلىعىن ارتتىرۋعا باعىتتالعان جوباعا «شەۆرون» كومپانياسى مەن قازاقستان رەسپۋبليكاسىنىڭ اقش-تاعى ەلشىلىگى ۇيىتقى بولىپ وتىر.
ويتكەنى, قازاقستان قولونەرشىلەرى وداعى – 2012 جىلى «Our Heritage» قورىنىڭ, شەۆرون, يۋنەسكو, ەۋرازيا وداعى جانە قر مادەنيەت مينيسترلىگى قولداۋىمەن قۇرىلعان بولاتىن. جىلدارعا سوزىلعان ارىپتەستىكتىڭ اقاسىندا اتالعان وداق قولونەر تۇرلەرىنەن جۇزدەگەن ترەنينگ وتكىزىپ, شەبەرلىكتەرىن شىڭداپ, دامىتىپ وتىر. وداق قۇرىلعالى بەرى 12 جىل قاتارىنان «شەبەر» رەسپۋبليكالىق بايقاۋىن وتكىزىپ, ەلىمىزدىڭ ءار شالعايىنداعى شەبەرلەر مەن ىسمەرلەردى تاۋىپ, ءوز كاسىپتەرىن جالعاستىرۋعا جول اشىپ كەلەدى. قازىرگى تاڭدا وداقتىڭ 8 وڭىردە 150 وكىلى بار بولسا, ەل ىشىندەگى جالپى شەبەرلەرىنىڭ سانى 650-دەي بولادى.
«قازاقتىڭ ۇلى ويشىل اقىنى اباي ايتقانداي: «ونەر جۇتامايدى. الداۋ قوسپاي ادال ەڭبەگىن ساتقان قولونەرلى – قازاقتىڭ اۋليەسى سول», – دەيدى قولونەرشىلەر وداعىنىڭ پرەزيدەنتى ايجان بەكقۇلوۆا. – سوندىقتان دا بويىندا مادەني كودى بار بىرەگەي دارىندى ادامداردى قولداۋ وتە ماڭىزدى. ءبىزدىڭ سميتسون ينستيتۋتىنىڭ حالىقتىق جانە مادەني مۇرا ورتالىعىمەن جانە «شەۆرون» كومپانياسىمەن ىنتىماقتاستىعىمىز جوبالارىمىزدى ەڭ جوعارى دەڭگەيدە جۇزەگە اسىرۋعا مۇمكىندىك بەرەدى. جاستار ۇزدىكتەرگە قاراپ بوي تۇزەسىن!»
«مادەنيەت سالاسىنىڭ جۇمىستارى ۋاقىتتى تالاپ ەتەتىندىكتەن, «شەۆرون» كومپانياسىنىڭ وسى باعىتتاعى ۇزاق مەرزىمدى ينۆەستيتسياسى كوماندامىزعا اۋقىمدى جۇمىستار اتقارۋىنا سەپتىگىن تيگىزىپ, بەرىك ىنتىماقتاستىق ورناتىپ, بۇكىل سميتسون ينستيتۋتى بويىنشا مامانداردىڭ قازاقستانداعى ارىپتەستەرىمەن تاجىريبە الماسۋعا قاتىستىرۋعا مۇمكىندىك بەرىپ وتىر», – دەيدى سميتسون ورتالىعىنىڭ ارنايى جوبالار جونىندەگى ديرەكتورى حوللي باتۆين.
جوبانىڭ جەرگىلىكتى سەرىكتەسى قازاقستاننىڭ قولونەرشىلەر ورتالىعى بولسا, بۇل ورتالىق قازاقستان جاستارىن قولونەر جۇمىسىنا كوپتەپ تارتۋعا, قولونەر كاسىپورىندارىنىڭ ءبىلىمىن, ماشىعى مەن تابىسىن ارتتىرۋعا, سونداي-اق قازاقستان قولونەرشىلەرى مەن باسقا ەلدەر اراسىنداعى بايلانىستى نىعايتۋعا بەلسەنە ارالاسادى.
تاياۋ كۇندەرى وسى ەكى ۇيىمنىڭ وكىلدەرى الماتى, شىمكەنت, تاراز جانە تۇركىستان قالالارىنداعى قولونەر شەبەرحانالارىنا بارىپ, الەۋەتتى سەرىكتەستەرمەن كەزدەستى, شارالار ۇيىمداستىرىپ, جاستاردى قولونەر قوعامداستىعىنا قاتىستىرۋ تۋرالى پانەلدىك تالقىلاۋلار جۇرگىزگەن.
الداعى ۋاقىتتا سميتسون ورتالىعى ساراپشىلارى زەرتتەۋ ساپارىندا تاڭداپ العان قازاقستاندىق قولونەرشىلەر سانتا-فەدەگى (نيۋ-مەكسيكو شتاتى) حالىقارالىق حالىق ونەرى جارمەڭكەسىنا قوسا, الماتىنىڭ تۋىستاس قالاسى – تۋسون (اريزونا شتاتى) قالاسىنا وقىتۋ ساپارىنا قاتىسادى. ساپار اياسىندا قولونەر كاسىپكەرلىگىن دامىتۋ جونىندەگى شەبەرلىك ساباقتارى وتەدى. قىركۇيەك ايىندا تۋسون قالاسىنىڭ قولونەرشىلەرى الماتىعا قولونەر فەستيۆالىنە بارادى.
