فوتو:سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى
وبلىستىڭ «قازسۋشار» فيليالى مالىمەتىنشە, بۇگىندە اتالعان اۋدان ديقاندارىنا 12 578 گەكتار اۋىل شارۋاشىلىعى جەرىن سۋارۋ ءۇشىن 39,5 ملن تەكشە مەتر سۋ بەرىلگەن.
كوكتەم ەرتە شىققاندىقتان قاۋىن دا ۋاقىتىنان بۇرىن پىسكەنىن ايتقان شارۋا قوجالىعىنىڭ توراعاسى ءالفارابي كۇزەنباەۆ قاجەتتى سۋدى دەر كەزىندە جەتكىزىپ بەرىپ وتىرعان «قازسۋشار» ۇجىمىنا العىس ايتتى.
ال وبلىس بويىنشا «قازسۋشار» فيليالىنىڭ ديرەكتورى قازىبەك بەدەباەۆ ايتۋىنشا ديقاندارعا سۋارمالى سۋ ناۋرىز ايىنان باستاپ بەرىلە باستاعان. سۋدى فيليالمەن ارنايى كەلىسىمشارت جاساعان شارۋاشىلىقتار عانا الىپ وتىر.
«وڭىردەگى شارۋا قوجالىقتارىمەن 275 مىڭ گەكتاردان استام القاپقا جالپى كولەمى 2,4 ملرد تەكشە مەتردەن استام سۋ بەرۋ جونىندە 8 892 كەلىسىم جاسالعان. قازىردىڭ وزىندە ءوڭىر ديقاندارىنا 672,8 ملن تەكشە مەتر سۋ بەرىلدى», دەدى قازىبەك بەدەباەۆ.
