اگروونەركاسىپتىك كەشەندەگى مەملەكەتتىك ينسپەكتسيا كوميتەتى توراعاسىنىڭ مىندەتىن اتقارۋشى ساكەن قانىبەكوۆتىڭ ايتۋىنشا, بۇگىنگى كۇنى 3,2 ملن گەكتار اۋىل شارۋاشىلىعى القابى زەرتتەلىپ, ونىڭ 878,3 مىڭ گەكتارىندا زيانكەس بار ەكەنى انىقتالعان. وڭدەلۋگە ءتيىس 528,4 مىڭ گەكتاردىڭ 486,3 مىڭ گەكتارىندا ءىس-شارالار جۇرگىزىلگەن.
اۋىل شارۋاشىلىعى ءمينيسترى ايداربەك ساپاروۆ شەگىرتكەكە قارسى كۇرەس جۇمىستارىن قاجەت بولعان جاعدايدا تاۋلىك بويى جۇرگىزۋگە تاپسىرما بەردى.
- مىندەتتەمە العان مەردىگەرلەر بارلىق قاجەتتى تەحنيكانى تولىق كولەمدە قامتاماسىز ەتۋگە ءتيىس. جۇمىس كەستەگە سايكەس, قاجەت بولعان جاعدايدا تاۋلىك بويى, اۋا رايىنا نەمەسە تەحنيكالىق قيىندىقتارعا قاراماستان جۇرگىزىلۋى قاجەت. جۇمىستىڭ مەرزىمى مەن ساپاسىنا كۇن سايىن مونيتورينگ جۇرگىزىلەدى. قاجەت بولعان جاعدايدا قايتا وڭدەۋ مۇمكىندىگىن دە قاراستىرۋ قاجەت, — دەدى ساپاروۆ.
اسىرەسە شەكارا ماڭىنداعى اۋماقتارعا ەرەكشە نازار اۋدارىلدى. بۇل جەرلەردە زيانكەستىڭ كوشۋىن بولدىرماۋ ءۇشىن باقىلاۋدى كۇشەيتۋ قاجەت, دەدى مينيستر.
