جۇمىستار نىساندى كەشەندى قايتا جاڭعىرتۋ جونىندەگى جول كارتاسىنا سايكەس جۇرگىزىلىپ جاتىر. سورعى قوندىرعىلارى مەن ەلەكتر جابدىقتارىن تولىق اۋىستىرۋ 2028 جىلعا دەيىن اياقتالادى دەپ جوسپارلانىپ وتىر.
ق.ساتباەۆ اتىنداعى كانال قاراعاندى جانە پاۆلودار وبلىستارى مەن استانا قالاسىن اۋىز سۋمەن قامتاماسىز ەتەدى. سونداي-اق كانال سۋىن وسى وڭىرلەردەگى وندىرىستىك نىساندار مەن شارۋا قوجالىقتارى دا پايدالانادى. گيدروتەحنيكالىق نىساننىڭ جالپى ۇزىندىعى - 458 كم.
«حالىق سانى مەن ونەركاسىپتىك كاسىپورىندار سانىنىڭ ارتۋىنا بايلانىستى كانال سۋىنا دەگەن سۇرانىس ءوسىپ كەلەدى. مەملەكەت باسشىسىنىڭ تاپسىرماسى بويىنشا مينيسترلىك نىساندى جاڭعىرتۋ جۇمىستارىن قولعا الدى. ناتيجەسىندە ەلدى مەكەندەر مەن ءوندىرىس ورىندارىن ساپالى سۋمەن قامتۋ ساپاسىن ارتتىرىپ, كانالدىڭ ۇزاق مەرزىمدى ءارى قاۋىپسىز قىزمەتىن قامتاماسىز ەتۋدى كوزدەپ وتىرمىز», – دەدى سۋ رەسۋرستارى جانە يرريگاتسيا ۆيتسە-ءمينيسترى ەربولات يبرايحانوۆ.
